اسلام آباد۔ 21 اکتوبر (اے پی پی) وزیراعظم محمد شہباز شریف پارینے کہ گڑاس اقتدار نا لنگڑ سیاستدان ورناتے تینا متعصبانہ ایجنڈاکن کاریم اٹ اتنگ اٹی ءُ، ورناتا شونداری کن زرکاری المی ءِ، حکومت بروک آ دے تیٹی دا چرجوئی ٹی بھاز انگا گام گیج آتا پڑو ءِ کیک۔ جمعہ نادے آ تینا ٹویٹ اٹی وزیراعظم شہباز شریف پارے کہ قومک ورناتیان سوگو مریرہ و اوفتا لائخی تیان آخبت نا تعین مریک، ورناتا شونداری کن زرکاری نا گرج ءِ، اقتدار نا لنگڑ گڑاس سیاستدان ورناتے تینا متعصبانہ ایجنڈاکن کاریم اٹ اتنگ اٹ ہچ ءُ عار اس تکپسہ ہراکہ بدبختی اسے۔ وزیراعظم پارے کہ پنجاب اٹی ننا حکومت ورناتا شونداری کن بھاز انگا گام گیج کریسس و تدوک آ دے ہم حکومت ورناتے واکدار کننگ کن چندی گام گیج آتا بناءِ کرے ہرافتا کمک اٹ او تینا روزگار اس کننگ نا قابل مریرہ، دا داسکان بناءِ بروک آ ہفتہ و تُو تیٹی حکومت ورناتا شونداری کن بھاز انگا گام گیج آتے کیک۔
