اسلام آباد۔ 21 اکتوبر (اے پی پی) وزیر مملکت خارجہ امور حناربانی کھر پیرس اٹی فرانس پاکستان بزنس کونسل نا صدر تھیری فلیملن و منیجنگ ڈائریکٹر ویواٹیک فرانکوس بیتوزیٹ تون اوڑدہی کرے و پیرس اسکول آف انٹرنیشنل افیئرز ، سائنسز یونیورسٹی ٹی تران کرے، او ایسوسی ایشن آف گرینڈز ایکولس و کیمپس فرانس نااسہ ڈل اسے تون ہم اوڑدہی کرے۔ پیرس اٹی پاکستان نا سفارت خانہ غان جاری بیان نا رداٹ وزیر مملکت نا تھیری فلیملن ہرا ٹوٹل گلوبل سروسز نا سی ای او ہم ارے تون اوڑدہی ٹی پاکستان و فرانس نا نیام اٹ واپاری و اقتصادی تعلقداری تون اوار اوار پاکستان اٹی زرکاری نا وارخواہی تیا گپ وتران کننگا۔ حنا ربانی کھر فرانکوس بیتوزیٹ تون اوڑدہی ٹی ہڑتوم آ ملک آتا اسٹارٹ اپ سیکٹر آتا نیام اٹ رابطہ غاتے مون آ دننگ و بروک آ سال انا ویواٹیک ایونٹ اٹی پاکستان نا بشخ ہلنگ آ گپ وتران کرے۔ وزیر مملکت خارجہ امور پیرس اسکول آف انٹرنیشنل افیئرز ، سائنسز پویونیورسٹی نا طالب علم آتون “پاکستان و مون آ بروک آ ورلڈ آرڈر” نا سرحال آ گپ وتران کرے اوکان پد سوج و ورندی نا سیشن اس مس۔ اویونیورسٹی نا فیکلٹی تون تعلیمی کمکاری آ ہم گپ وتران کرے۔ کیمپس فرانس و کانفرنس آف گرینڈے ایکولز کے نا نمائندہ غاتون اوڑدہی ٹی وزیر مملکت پاکستان و فرانس نا نیام اٹ بڑزکو تعلیم نا بشخ اٹی ادارہ جاتی رابطہ و ہن و برتے سوگو کننگ نا وڑوڈول آتیا گپ وتران کرے۔
