اسلام آباد۔20اکتوبر (اے پی پی): مزن وزیر محمد شہباز شریف ءَ گوشت کہ ھاٹیگ ءِ ھندی آسراتی ءَ را کارمرز کنگ حکومت ءِ اولی ترجی انت، تھر کول مئے ھاٹیگ ءِ ضلورت ءَ را گوں دلجمی ءَ گوں سرجم بوت کنت، ما درآمدی اشکر آنی مٹ ءُ بندی اشکر آں چہ سستائیں توان پیداک کناں۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ء، رد ءَ مزن وزیر محمد شہباز شریف ءَ تھر کول ءِ شنگ ءُ تالان ءِ ھوالگ ءَ چار ءُ تپاسی دیوان ءِ سروکی کت۔ سیکرٹری ریلوے ءَ دیوان ءَ را گوشت کہ مزن وزیر ءِ پنت ءپ شون ءِ رد ءَ پاکستان ریلوے 23 مارچ 2023 ن ءَ تاں چھور ءَ چہ اسلام کوٹ (تھر پارکر) 105 کلومیٹر دراجیں ٹریک ءِ چیر گیتکگ ءُ ھندی اشکر سرجمیں ملک ءَ استیں توان گس، سیمنٹ ءُ اشت جوڑ کنوکیں کارخانہ آناں پجاری کت کن اَنت۔ منصوبگ ءِ ھواریں کساس 58 ارب کلدار انت ایشی ءِاندر ءَ بنجاھی حکومت ۓءُ صوبائی حکومت سندھ ءِ ففٹی ففٹی بھر اِنت۔ مزن وزیر ءَ بنجاھی وزیر منصوبگ بندی دیمروئی احسن اقبال ءُ سر وزیر سندھ سید مراد علی شاہ ءِ سروکی ءَ کمیٹی جوڑ کت ءُ ایشرا پنت ءُ شون کت کہ تھر کول ءَ چہ اشکر ءِ دستیابی ءُ ھندی منڈی ءَ ایشی ءِ لوٹ ءِ کساس آیوکیں 72 کلاک آنی تہ ءَ یک سرجمیں رپوٹ ءِ پیش بکن ات۔ کمیٹی ءَ ایندگر باسک آنی تہ ءَ وزیر ءِ ریلوے ءُ ایوی ایشن خواجہ سعد رفیق، مزن وزیر ءِھاسیں کمکار ڈاکٹر جہانذیت خان، ڈجیجی ایف ڈبلیو او، سیادی داروکیں وزارت آنی سیکرٹریز ءُ کلانہ ھوار اتنت۔ دیوان ءَ وزیر ءِ ھزانگ محمد اسحاق ڈار، وزیر ءِھاٹیگ خرم دستگیر، بنجاھی وزیر منصوبگ بندی ءُ دیمروئی کار احسن اقبال ، وزیر ءِ ایوی ایشن خواجہ سعد رفیق ، سر وزیر سندھ مراد علی شاہ، مزن وزیر ءِ مشیر احد چیمہ، ھاسیں کمکار ڈاکٹر جہانزیب خان، ظفر الدین محمود، سندھ ءِ وزیر ءِ ھاٹیگ امیاز احمد شیخ ءُ سیادی داروکیں ٹوھیں سروک آں بھر زوری کت۔
