اسلام آباد۔20اکتوبر (اے پی پی): مزن وزیر محمد شہباز شریف ءَ گوشت کہ چاگرد ءَ را بھر بھر کنگ ءُ کسد ءُ کینگ شنگءُ تالان کنگ اپسوزی گپ اِت۔ زاھ ءُ بد کنگ ، وتاس آنی سر ءَ راج جوڑ نہ بنت۔ جوانیں شرپءُ ازت سگ ءُ اوپار کشی ءَ را ودینگ ءَ چہ راج جوڑ بنت۔ ورنائیں باھند آناں وتی ازم کاری ءَ را پاکستنان ءَ را بے دروریں ملک ءِجوڑ کنگ ءِ واستہ کارمز بکن انت۔ ما جنکیں زھگ ءُ بچکیں زھگ آنی وانگ ءُ زانگ ءِ پروگرام آنیسر ءَ اربانی کلدار ھرچ کتگ،ورنا آنی واستہ گیش گامگیج چست کنگ ءَ آں۔ ما لڈوکیں معیشت ءَرا ڈیفالت بوھگ ءَ چہ رکھینتگ،پاکستان آسراتیءُ معدنیات ءَچہ مالا مال انت۔ پدا ھم 75 سال ءَ چہ ایشاں چہ سیت چست کنگ نہ بوتگ۔ منصوبگ آنی وھد ءُ موہ ءِ سر ءَ سرجم بوھگ ءَ چہ راجی ھزانگ ءَ را اربانی کلدار ءِ تاوان بوتگ۔ اے تران آئیءَ پنچ شمبے ءِ روچ ءَ ورنا آنی دیمروئی گامگیج آنی بنگیج ءِ ھوالگ ءَ برجم داشتگیں دیوان ءَ گوں گشتانک دیان ءَکت۔
