کوئٹہ۔ 20 اکتوبر (اے پی پی) صوبائی سلاہکار داخلہ میر ضیاء اللہ لانگو نا کماشی ٹی ڈپٹی کمشنر قلات آفس اٹی امن وایمنی نا بابت دیوان اس اڈ ہلک، ہراٹی ضلع قلات اٹی امن نا حالیت آتا جاچ ءِ ہلنگا۔ دیوان اٹی سلاہکار داخلہ ءِ امن و ایمنی نا حالیت آتا بارواٹی حوال تننگا و الس نا جان و مال انا رکھ اکن کروک آ گام گیج آتیان معلومدار کننگا۔ اسسٹنٹ کمشنر قلات، اسسٹنٹ کمشنر خالق آباد، ایس پی قلات ئسک دیوان اٹی بشخ ہلکر۔ سلاہکار داخلہ میر ضیاء اللہ لانگو تعلقدار کمامدار آتے پارت کرے کہ الس نا جان و مال انا رکھ کن غٹ المی گام گیج کننگے۔ اوپارے کہ ملکی فائدہ غاتیان چپ سرجزآتا اسُل موکل تننگ مفک۔ سلاہکار داخلہ میر ضیاء پارے کہ الس نا ہڑدے ئی زند اٹی کس اسے اڑاند شاغنگ کن اِلیپنہ۔
