استنبول۔ 20 اکتوبر (اے پی پی) بنجائی وزیر حوالکاری و شینکاری مریم اورنگزیب او آئی سی وزرا اطلاعات کانفرنس اٹی بشخ ہلنگ کن پنچ شنبےنادے آ ترکی آ سرمس۔ او آئی سی نا وزرا اطلاعات کانفرنس نا 12 می دیوان 21 و 22 اکتوبر آ ترکیہ نا شار استنبول اٹی مریک۔ بنجائی وزیر حوالکاری مریم اورنگزیب کانفرنس اٹی پاکستان نا نمائندگی ءِ کننگ ءِ۔ اِرادے ئی کانفرنس نا سرحال ’’سچائی نا دور آن پد غلط معلومداری و اسلاموفوبیا تون مون تننگ‘‘ ءِ۔ کانفرنس نا بنائی سیشن آن او آئی سی ناسیکرٹری جنرل حسن ابراہیم طحہٰ تران کیک وخت اس کہ کانفرنس اٹی حوالکاری نا چندی بشخ آتیٹی او آئی سی نا کڑد آ چکار تخنگک۔ او آئی سی نا وزرا اطلاعات کانفرنس اٹی خاص وڑاٹ فلسطین و القدس شریف نا ویل آتا بابت میڈیا ءِ متحرک کننگ تون اوار افریقی او آئی سی باسک ملک آتا ویل آتے تالان کننگک۔ کانفرنس اٹی اسلامو فوبیا تون مون تننگ اٹ او آئی سی نا کڑد، اسلام نا سہی عکس ءِ پیش کننگ و میڈیا نا حلقہ غاتیٹی انتہاپسندی و دہشت گردی آن بچنگ نا بابت امور تیا سجفنگک۔ کانفرنس اٹی مسلم دنیا ٹی میڈیا نا مہارت و تربیت نا مون آ دننگ نا بابت امور آ ہم گپ وتران مریک۔
