اسلام آباد۔ 20 اکتوبر (اے پی پی) بنجائی وزیر ڈٹ بندی ، شونداری، اصلاحات و خصوصی گام گیج احسن اقبال پارینے کہ اینو پاکستان نا غٹ آن بھلا چیلنج داخلی وڑاٹ یکجا مننگ ءِ، راج و ذہن تیان خار ءِ چٹفنگ بھاز المی ءِ، انتہاپسندی نا نہاد ءِ غٹ آن زیات پاکستان ادا کرے۔ پنچ شنبے نادے آ راج اٹی ودک آ بے سگی نا سرحال آ کانفرنس آن تران کرسا احسن اقبال پارے کہ 1947 اٹی برصغیر نا مسلمانک دا جتا ءُ وطن اس دوئی کریر۔ اینو بھارت اٹی مروک آ ظلم قائد اعظم نا نظریہ ءِ پک کننگ ءِ۔ اینو پاکستان نا غٹ آن بھلا چیلنج داخلی وڑاٹ یکجا مننگ ءِ۔ اوپارے کہ راج و ذہن تیان خارءِ چٹفنگ بھاز المی ءِ، دنیا ٹی غٹ آن زیات انتہاپسندی نا نہاد ءِ پاکستان ادا کرینے۔ اوپارے کہ ورناتتون مخاطب مننگ کن دانگیا بسونٹ، نن پاکستان نا 75 می سال دے ءِ اڈتننگ اُن، اگہ نن ہندوستان اٹی رہینگانہ تو ننے زرگزرانی و زرگزرانی آسراتی ملتوکہ۔ ہراتم نن تینٹ ہندوستان اٹی تینے بے رکھ سمجھان تو جتا ءُ ریاست اسے کن کوشست کرین۔ اوپارے کہ دا ملک انا گورننس ءِ انکلوسیو گورننس اس جوڑ مروئی مریک ہراڑکن نن تعصب و خار ءِ اسہ کنڈ تخنگ نا ءِ۔ اوپارے کہ سرسہب راج ہمو مریک ہراٹی مثبت سینیر ارے۔ ننا کرکٹ ٹیم میچ گوازی کیک وخت اس لگک دا 50 گوازی گر ہنداخہ در گوازی کننگ ءِ۔ وخت اس ٹیم ءِ ہرسا لگک دا 11 آخا اسہ اِرا گوازی گر گوازی کننگ ءُ۔ اینو پاکستان نا غٹ آن بھلا چیلنج اقتصاد یا زرگزران اف، پاکستان نا غٹ آن بھلا چیلنج ’’ انت نن داخلی وڑاٹ یکجا اُن یا منتشر اُن‘‘ ءِ، ای تینٹ بے سگی ناگواچی مسونٹ، کنے آ اسہ ورناس سم کاری کرے، اوسم کنا داسکان جون اٹی ءِ، اوسم کنے یات ترفک کہ راج آن خار ءِ چٹفنگ المی ءِ۔
