اسلام آباد۔ 20 اکتوبر (اے پی پی) قومی اسمبلی ءِ پاننگانے کہ مالاکنڈ ڈویژ ن نا ضلع غاک خراج آن مستثنیٰ ءُ، بنجائی حکومت نا مالاکنڈ اٹی خراج آتا اطلاق نا ہچ ءُ ارادہ اس اف۔ پنچ شنبے نادے آ قومی اسمبلی ٹی مالاکنڈ ڈویژن اٹی خراج آتا اطلاق نا بابت مولانا عبدالاکبر چترالی، ڈاکٹر عباداللہ خان و ایلوفتا چکاری نوٹس آ پارلیمانی سیکرٹری رانا محمد اسحاق ایوان ءِ پارے کہ 30 جون 2018 ء ٹی مسلم لیگ نا حکومت مالاکنڈ ڈویژن ءِ نان ٹیرف ایریاڈیکلیئر کریسس۔ مالاکنڈ اٹی داوخت آ ہچ ءُ خراج اس خلنگتنے۔ اوپارے کہ داوخت آ 30 جون 2023ء اسکان بنجانا کنڈآن مالاکنڈ ڈویژن اٹی ہچ ءُ خراج اس خلوک اف۔ مولانا عبدالاکبر چترالی پارے کہ دا آسراتی 1975 ء آن تننگانے۔ رانا محمد اسحاق ایوان ءِ پارے کہ ننامالاکنڈ ڈویژن اٹی خراج نا ہچ ءُ پروگرام اس اف، مالاکنڈ اٹی اگہ فیکٹری اس خلنگ خواہک تو اوڑاہم ہچ ءُ خراج اس اف۔
