اسلام آباد۔ 20 اکتوبر (اے پی پی) بنجائی وزیر حوالکاری و شینکاری مریم اورنگزیب اسلامی کمکار تنظیم نا وزراء اطلاعات نا 12 می دیوان اٹی بشخ ہلنگ کن ترکی آ روانہ مس۔ او آئی سی وزراء اطلاعات کانفرنس 21 آن 22 اکتوبر 2022 ء اسکان استنبول اٹی مریک۔ دیوان اٹی فیک نیوز، اسلاموفوبیا و گمراہ کن پروپیگنڈا کون آ ویل آتیا سجفنگک۔ کانفرنس اسلامی ملک آتا کہول آ اسلام و مسلمان تا برخلاف گمراہ کن پروپیگنڈاتا توننگ نا حکمت عملی اس تیار کیک۔ دیوان نا وخت آ وزیر حوالکاری ایلو ملک آتا ہم منصب و بڑزکو شخصیت آتون اوڑدہی کیک۔ وزیر حوالکاری مریم اورنگزیب تینا دورہ ٹی ترکی نا دودوربیدگ و سیل و سوات نا نائب وزیر تون ہم اوڑدہی کیک۔
