اسلام آباد۔ 20 اکتوبر (اے پی پی) اینٹی نارکوٹکس باچہ خان بالی پٹ پشاور، اورکزئی و حیدر آباد اٹی کارروائی کرسا منشیات نا بھلو کچ اس دوئی کرے۔ اے این ایف نا ترجمان نا رداٹ اے این ایف و اے ایس ایف باچہ خان انٹرنیشنل بالی پٹ پشاور اٹی اولیکو کارروائی ٹی شارجہ غا ہنوک آ بنوں نا ہنکینی دوبہ دار آن 9300 نشئی ءُ گولی دوئی کرے وخت اس کہ ارٹ میکو کارروائی ٹی دوبہ دار نا ٹرالی بیگ آن 1 کلو 521 گرام آئس دوئی کرے۔ خیبر نا ہنکینی دوبہ دار پشاور آن دوحہ غا ہناکہ۔ اے این ایف و ایف سی نا اسیجائی کارروائی ٹی اورکزئی آن پلاسٹک نا تھیلہ غاتیان 20 کلو چرس دوئی کرے۔ حیدرآباد اٹی کارروائی کرسا 2 دوبہ دار آن 6 کلو چرس دوئی کرے۔ دوبہ دار آتا برخلاف منشیات تور ایکٹ نا رداٹ مقدمہ نوشتہ کرسا مستی جاست وپاست نا بناءِ کننگانے۔
