زالبول آتا اوار مننگ آن نیشنل پارٹی ءِ سوگو پلیٹ فارم اس ملا، زالبول آتا سیاسی پڑاٹ بننگ بھاز بھلو سرسہبی اسے، یاسمین لہڑی

کوئٹہ۔ 20 اکتوبر (اے پی پی) نیشنل پارٹی زالبول سیکرٹری یاسمین لہڑی پارینے کہ زالبول آتا اوار مننگ آن نیشنل پارٹی ءِ اینو اسہ سوگو ءُ پلیٹ فارم اس ملانے، زالبول آتا سیاسی پڑاٹ بننگ خاص وڑاٹ پارٹی ٹی اوار مننگ اسہ بھاز بھلو سرسہبی اسے، داخیال آتا درشانی ءِ مرکزی زالبول سیکرٹری یاسمین لہڑی ، ضلع کوئٹہ نا صدر حاجی عطاء محمد بنگلزئی، صوبائی زالبول سیکرٹری کلثوم بلوچ، سعدیہ بادینی و ایلوفک کلی غوث آباد لوڑکاریز زالبول آتا اوار مننگ نا دود آن تران اٹی کرے۔ داوخت آ چندی زالبول آک حاجی عطاء محمد بنگلزئی ، عبدالغفار بلوچ، میڈم سعدیہ بلوچ ومحی الدین مینگل نا کماشی ٹی چندی سیاسی جماعت آتیان استیفہ ترسا نیشنل پارٹی ٹی باقاعدہ شمولیت اختیار کریر ، ترانکار آک اومیت ظاہر کریر کہ زالبول آک تینا ایلم تتون ہم گام مرسا نیشنل پارٹی نا کلہو ءِ ہر اُرا غا سرکیرہ۔