اسلام آباد۔ 19 اکتوبر (اے پی پی ) : بنجاھی وزیر اھوالکاری ءُ شنگ کاری مریم اورنگزیب ءَ گوں پاکستان ءَ سعودی عرب ءِ سفیر نواف بن سعید المالکی ءَ چار شمبے ءِ روچ ءَ ادا گند ءُ نند کت۔ گند ءُ نند ءَ پاکستان ءُ سعودی عرب ءِ نیام ءَ جتا جتائیں شوبگ آنی تہ ءَ جھلانکیں یکوئی آنی ھوالگ ءَ ھیال ریچی کنگ بوت۔ بنجاھی وزیر ءَ ولی عہد شہزادہ محمد بن سلمان ءَ را مملکت ءِ مزن وزیر نامینگ بوھگ ءِ پد ءَ سعودی سفیر ءَ را مبارک بات دات۔ گند ءُ نند ءَ پیسلہ کنگ بوت کہ دوئیں ملک آنی تہءَ ایم او یوز آناں پکوئیں رنگ دیگ ءِ واستہ ورکنگ کنگ بہ بیت۔ گند ءُ نند ءَ میڈیا ءُ تامر ءِ شوبگ آنی تہ ءَ جاڑیگیں کمک آناں گیش ترند کنگ ءِ بابت ءَ چار ءُ بچار کنگ بوت۔ اے موہ ءِ سر ءَ تران کان ءَ بنجاھی وزیر اھوالکاری ءَ گوشت کہ حکومت پاکستان ءُ الس ءِ دل ءَ خادم الحرمین الشریفین ءُ سعودی سروک آنی واستہ بے کساس شرپ ءُ ازت است اِنت۔ بنجاھی وزیر ءَ پاکستان ءَ سیلاپ ءِ آماچیں مردم آنی چست ءُ ایر آنی پد ءَ سعودی عرب ءِ سفیر ءِ ارزشتی ایں کرد ءَ را ھم ساڑات آئی ءَ زاتی رنگ ءَ سیلاپ ءَ چہ آماچیں دمگ آنی تر ءُ تاب کت۔ گند ءُ نند ءَ فلم ءُ ڈرامہ ءِ شوبگ آنی تہءَ پاکستان ءُ سعودی عرب ءِ نیام ءَ یکجائی منصوبگ آناں پکوئیں رنگ دیگ ءِ واستہ دوئیں نیمگ ءِ مردم آناں گچین کت ءُ یک کمیٹی ءِ جوڑ کت۔ آئی ءَ گوشت کہ استیں ھور ءُ ھار ءَ چہ پاکستان ءَ بوھوکیں جانی ءُ مالی تاوان بار آنی پد ءَ سکٰں ڈکھ ءُ اندوھ بوتگ۔ سکیں اے ساھت ءَ سعودی حکومت پاکستان ءَ سیلاپ ءِ آماچیں مردم آناں ھمک رنگیں کمک جاڑی دار ائیت۔
