اسلام آباد۔19اکتوبر (اے پی پی): مزن وزیر محمد شہبا ز شریف ءَ موحولیاتی مٹءُ بدلی ءِ دیمپانی کُت کنوکیں لوگ ءُ انفراسٹرکچر ءِ جوڑ کنگ ءِ ھاترءَ راجی منصوبگ ءِ پنتء ُ شون کتگء ُ گشتگ کہ پاکستان ءَ را حُشک سالی ءَ چہ رکینگی اِنت، یک وڑیں پائدگ کونسل ءِ ترز ءَ جوڑ کتگیں موسمیاتی مٹء ُبدلی کونسل ءَ را سرجمی ءَ فعال ادارگ جوڑ کنگ بہ بیت، تچکیں منصوبگ ءِ چِن ء ُ لانچ کنگ ءِ ھاترءَ زانت کارانی کمیٹی جوڑ کنگ بہ بیت۔ چارشمبے ءِ روچءَ مزن وزیر کارگس ءِ میڈیا ونگ ءَچہ شنگ بوتگیں بیان ءِ ردءَ مزن وزیر ءَ اے پنتء ُشون ماحولیاتی مٹ ء ُ بدلی کونسل ءَ چہ پیش وتی سروکی ءَ دیوان ءَرا داتگ اَنت۔ 2017 ءَ پد مزن وزیر محمد شہبا ز شریف ءَ موحولیاتی مٹء ُ بدلی کونسل ءِ اولی دیوان ءِ سروکی ءَ چہ راج دپتر ءِ تہا یک نامے جوڑ کتگ۔ مزن وزیر ءَ ہار ءِ آماچیں مردمانی بحالی ء ُ بانداتءَ موسمی ھترہ ءَچہ رکینگ ءِ ہوالگءَ مزنیں فیصلہ کتگء ُ ماحولیاتی مٹء ُ بدلی ءِ دیمپانی کنوکیں لوگ ء ُ انفراسٹرکچر جوڑ کنگءِ ھاترءَ نیشنل پلان جوڑ کنگءِ پنتء ُشون کتگ۔ مزن وزیر ءَ گشتگ کہ ماحولیاتی مٹء ُبدلی تباہ کنوکیں ہار آرگ ءَ اَنت، سندھ ء ُ بلوچستان ءَ تباہی ءِ تچکیں درور اَنت۔ کاربن ءِ حارج کنگءَ یک درسد ہم کم بہر بوہگ ءَ ابید پاکستان گیش آماچ بوہوکیں 10 ملک آں چہ یک اِت۔ اے تباہی ءَرا مارا بے حال کنگی نااِنت، آماچیں مردمانی بحالی ءِ گوما باندات ءِ چنء ُ لانچ ہم کنگی اِنت ۔ مزن وزیر ءَ پنت ء ُ شون کتگ کہ ماحولیاتی مٹء ُ بدلی ءَچہ ہمگرنچیں کونسل بنجاہی کرد پیلو بہ کنت۔ آئی ءَ گشتگ کہ پاکستان ءَ را چہ حشک سالی ءَ رکینگی اِنت، ماحولیاتی مٹء ُ بدلی ءَچہ صوبہ سندھ ءِ ڈیلٹا ء ِ دمگ حشک بوتگ، زانت کارانی سرء ُ سوج ءِپد ءَ گامگیج چست کنگ بہ بیت، جنگلاں آس لگگ ءِ وئیلاں چہ رکھگ ءِ سوج دیئگ بہ بیت، سئے درسد گیش گلیشیئر آپ بوہگ ء ُ ہورء ُ ہارانی ترندی ءَچہ رکینگ ءِ ھاترءَ سرءُ سوج کنگ بہ بیت۔
