اسلام آباد۔19اکتوبر (اے پی پی): مزن وزیر محمد شہباز شریف ءَ گشتگ کہ چین پاکستان اقتصادی راہداری (سی پیک) منصوبگانی پہ وہد سرجمی راجی دلگوشی اِت، سی پیک ءِ ردءَ پاکستان ءَ صنعتی دیمروئی ءِ ھاترءَ نوکیں دورءِ بندات بوہگءَ اِنت، ایم ایل ون منصوبگ پاکستان ریلوے ءِ معاشی بحالی ء ُ دیمروئی ءِ سوب جوڑ بنت۔ چارشمبے ءِ روچءَ مزن وزیر کارگس ءِ میڈیا ونگ ءَ چہ جاری بیان ءِ ردءَ مزن و زیر محمد شہبازشریف ءِ سروکی ءَ چین پاکستان اقتصادی راہداری ء ُ ایندگہ چینی منصوبگانی سرءَ چارء ُتپاسی کنگءِ دیوان بوتگ۔ دیوان ءَ انفراسٹرکچر ءِ منصوبگ حاس مین لائن ون ( ایم ایل ون) ، کراچی سرکلر ریلوے، قراقرم ہائی وے ایندگہ منصوبگانی سرءَ سرجمیں شونست دیئگ بوتگ، ایشی ءَ ابید 10 میگاواٹ روچ ءِ توانائی ءِ منصوبگ ء ُ پن بجلی ءِ منصوبگانی سرءَ ہم گپ ءُ تران بوتگ۔ اے موہ ءَ دیوان ءَگوں تران کتگء ُ مز ن وزیر ءَ گشتگ کہ مین لائن و ن ( ایم ایل ون) منصوبگ پاکستان ءِ ھاترءَ گیم چینجر ءِ ارزشت داریت ، مین لاین ون ( ایم ایل ون) منصوبگ چین پاکستان اقتصادی راہداری ءِ فلیگ شپ منصوبگ اِنت، مین لائن ون ( ایم ویل ون ) منصوبگ پاکستان ءِ دِہکاآناں چین ء ُ درنیامی ریاستاں گوں بندوکک کنت ء ُ ملکی معیشتءِ دیمروئی ءَ حاسیں کرد پیلو کنت۔ مزن وزیر محمد شہباز شریف ءَ گشتگ کہ کراچی سرکلرریلوے کراچی ءَ ٹریفک ءِ جیڑہ ءَ را کم کنگء ُ کراچی ءَ نندوکیں مردماناں محفوظیں سفری آسراتی سرکنت۔ دیوان ءَ پیسرگیں مزن وزیر شاہد خاقان عباسی، بنجاہی وزیر احسن اقبال ، خواجہ سعد رفیق، سالک حسین، سید نوید قمر، مریم اورنگزیب، سید مرتضی محمود، طارق بشیر چیمہ، مزن وزیر صلہ کار احد چیمہ، پٹرولیم ءِ ملکی وزیرڈاکٹر مصدق ملک، حاسیں کمک کار طارق فاطمی، ظفرالدین محمود، جہانزیب خان، سید فہد حسین، مزن وزیر ءِ کوآرڈینیٹرز رانا احسن افضل، بدر شہباز ء ُ ہمگرنچیں اعلی حکام ہوار بوتگ اَنت۔ وہدے کہ سند ھ ءِ سر وزیر سید مراد علی شاہ ویڈیو لنک ءِ وسیلگ ءَ ہوار بوتگ ۔
