اسلام آباد۔19اکتوبر (اے پی پی): مزن وزیر محمد شہباز شریف ءِ سروکی ءَ چین پاکستان اقتصادی راہداری ء ُ ایندگہ چینی منصوبگانی سرءَ بوتگیں کارانی چارء ُتپاسی دیوان بوتگ۔ چارشمبے ءِ روچءَ مزن وزیر کارگس ءِ میڈیا ونگ ءَ چہ جاری بیان ءِ ردءَ دیوان ءَ انفراسٹرکچر ءِ منصوبگ حاس ایم ایل ون، کراچی سرکلرریلوے، قراقرم ہائی وے ء ُ ایندگہ منصوبگانی سرءَ سرجمیں شونست دیئگ بوتگ۔ دیوان ءَ 10 میگاواٹ روچ ءِ توانائی ءِ منصوبگ ء ُ پن بجلی ءِ منصوبگانی سرءَ ہم گپ ءُتران بوتگ ۔ دیوان ءَ سی پیک منصوبگانی سرء َ کار ءِ گشادءَ را گیش کنگ ء ُ چار سالاں چہ مھتلی ءِ آماچیں منصوبگانی سرءَ کار ءَ را گشاد کنگ ءِ ہوالگ ءَ ہم گپ ء ُتران بوتگ۔ دیوان ءِتہا پیسرگیں مزن وزیر شاہد خاقان عباسی، بنجاہی وزیر احسن اقبال ، خواجہ سعد رفیق، سالک حسین، سید نوید قمر، مریم اورنگزیب، سید مرتضی محمود، طارق بشیر چیمہ، مزن وزیر ءِ حاسیں کمک کار احد چیمہ، ملکی وزیر ڈاکٹر مصدق ملک، حاسیں کمک کار طارق فاطمی، ظفرالدین محمود، جہانزیب خان، سید فہد حسین، وزیرِ اعظمءِ کوارڈینیٹرز رانا احسن افضل، بدر شہباز ء ُ ہمگرنچیں اعلی حکام ہوار بوتگ۔ سندھ ءِ سروزیر سید مراد علی شاہ ہم ویڈیو لنک ءِ وسیلگءَ دیوان ءَ ہوا ر بوتگ۔
