فیصل آباد۔ 06 اکتوبر (اے پی پی) جامعہ زرعیہ نا کشاری سائنسدان و کشت وکشار نا چاہندار آک نوکاپ آن زہمی علاقہ غاتیٹی کشت وکشار نا ہلہلہ ئی بنداو تیا بحالی کن بج آتا فراوانی و ایلو گام گیج آتیا تالان لائحہ عمل اسے نا تیاری نا بناءِ کرینو تانکہ غذائی اجناس نا کاختی آن بچنگ و کشاری اجناس نا معمول نا رداٹ پیدوار نا عمل زوت آن زوت دُوارہ بنا و نوکاپ نا بدترین بھسکاری تیان پد کشت وکشار نا بحالی ءِ ممکن کرسا غذائی خودکفالت نا مقررہ ہدف آتے دوئی کننگ مرے۔ کشاری یونیورسٹی نا وائس چانسلر ڈاکٹر اقرار احمد خان پارے کہ نوکاپ آن زہمی علاقہ غاتیٹی لائیو اسٹاک سیکٹر نا بحالی کن ہم کشاری چاہندار آتے مربوط کوشست کروئی مریک۔ فیکلٹی آاِنت اینیمل ہسبنڈری نا کنڈآن اڈ ہلوک دود آن تران اٹی اوپارے کہ کشاری یونیورسٹی ٹی اینیمل وویٹرنری سائنس آتیٹی چندی ڈگری پروگرام تا رداٹ تربیت یافتہ افرادی قوت تیار کننگ انگ ءِ۔ ڈین کلیہ اینیمل ہسبنڈری ڈاکٹر قمربلال پارے کہ کشاری یونیورسٹی نئے بیرہ کشت وکشار بلکن لائیو اسٹاک سیکٹر اٹی ہم گچینی کن غٹ ممکنہ کوشست کننگ ءِ۔ داوخت آ ڈائریکٹر انسٹیٹیوٹ آف اینیمل اینڈ ڈیرہ سائنسز ڈاکٹر ریاض ورک، ڈاکٹر محمد یونس، طاہرہ فاؤنڈیشن نا چیئرپرسن طاہرہ بروک فیصل آباد نا ریجنل منیجر ڈاکٹر محمد سلیم و ایلوفک ہم ساڑی ئسر۔
