برطانیہ سیلاپ ءَ چہ آماچیں مردم آنی کمک ءِ ھاترا پاکستان ءِ گوما ھمگام ءَ اوشتاتگ، برطانوی ایوان ءِ ڈپٹی اپوزیشن لیڈر ءُ لیبر پارٹی ءِ ڈپٹی لیڈر نانُک انجیلا رینر ءِ "اے پی پی” ءَ را گلگدار

اسلام آباد، اکتوبر 6 (اے پی پی):  برطانیہءِ جھلی ایوان ءِ  ڈپٹی  اپوزیشن  لیڈر   ءُ لیبر  پرٹی ءِ ڈپٹی  لیڈر  بانُک انجیلا رینر ءَ پنچ شمبے ءِ روچ ءَ  گوشتگ کہ برطانیہ سیلاپ ءَ چہ آماچیں  مردم آنی  گوما  پاکستان ءِ  گوما ھمگامی ءَ اوشتاتگ   ءُ آماچیں مردم آنی  واستہ کمک ءِ  کوشست آنی  ھمبراہ داری  ءَ کنت۔   آئی ءَ  اے ترا اے پی پی ءِ گوما ھاسیں گلگدارے ءِ اندر ءَ  تران کنان ءَ کت انت،  آئی ءَ گوشت کہ دگنیا ءَ را  اے گپ ءِ دل یکیمی جوڑ کنگ ءِ واستہ مھکمیں کار رپک  پول  کنگ ءِ ضلورت انت ، کہ ادا پاکستان ءَ  بوھوکیں  ٹوھیں  سیلاپ ءُ ھار  ءَ چہ  بنی آدم  ڈکال ءِ آماچ انت۔   بانُک اینجلا  رینر،  آئی ءَ  ممبر آف ہاوس آف لارڈز  واجد خان ءِ  ھمبراھی ءَ  سیلاپ ءَ چہ آماچیں  دمگ  آنی تر ءُ  تاب کت،   اے ساھت ءَ  آئیءَ تران کنان ءَ گوشت کہ  آیوکیں باندات ءَ  اے رنگیں  تباہی  ءَ چہ  رکھگ ءِ  واستہ  کوشست  المی کنگ بہ بیت۔   آئی ءَ گوشت کہ  موسمی مٹ ءُبدلی  دگنیا ءَ را  گوں ترندی ءَ آماچ کنگ ءَ انت ءُ پاکستان   ایشی ءِ اولی  آماچیں  ملک انت۔   اے جیڈھ  ءَ گوں  گر ءُ  چیل بوھگ ءِ واستہ کمک  ءِ  ضلورت انت۔   آئی ءَ گوشت کہ برطانیہ آیوکیں ماہ ءَ مصر   ءَ بوھوکیں    COP27 دیوان  ءَ  اے  جیڈھ  ءَ را   سہرا  کنت ءُ  ایشی ءَ گوں گر ءُ چیل بوھگ  ءِ واستہ  مھکمیں گیواری  گوانک جنت۔   "من ءَ امیت انت کہ دو نیمگی  گپ ءُ تران  آنی مول ءُ مراد  ایش بیت کہ پاکستان  ءُ دگنیا ءِ  ایندگر دمگ   کہ موسمی مٹ ءُ بدلی ءِ آماچ  انت  آواناں جوانتریں رپک ءَ گوں  کمک ءُ آسودگی  پجاری بیت۔  آئیءَ گوشت کہ دگنیا  ءَ را موسمی مٹ  ءُ بدلی ءِ رند  پد آں چہ  آیوکیں باندات ءِ رکھینگ  بوت کنت  چیا کہ اے  بنی آدم ءَ ٹوھیں کساس ءَ آماچ  کنگ ءَ انت۔  تران کنان ءَ آئی ءَ گوشت کہ  چارگ  بہ بیت کہ  اے ڈکال ءِساھت  ءَ  مردم آں  چتور سگ ءُ اوپار کتگ۔   آئی ءَ گوشت کہ  جان ءُ مال ءُ   کشار  آناں  تاوان  ءَ ابید سیلاپ  ءَ چہ لکھانی مردم آما چ بوتگ  انت۔  ایش یک ٹوھیں  تباہی ءِ  بوتگ۔  انجیلا رینر ءَ گوشت کہ برطانوی  حکومت  پیسر ءَ چہ پاکستان ء، سیلاپ ءَ چہ آماچیں مردم   آنی واستہ  16.5 ملین  پاونڈ  کمک کتگ۔  یک جستے ءِ پسو ءَ آئی ءَ گوشت کہ  دو نیمگی  تجارت  ءِ  ھوالگ ءَ تران کنان ءَ  گوشت کہ پاکستان  ءِ کرا معاشی  وھد  باز گران انت۔  پدا ھم برطانوی  صنعت  پاکستان ءِ صنعت  ءِ سپورٹ   ءَ کنگ ءَ انت۔  پاکستان  ءُ برطانیہ  دوئیں  دراج بریں   وھد ءُ پاسی سیم سر   اے تجارتی  شریکداری  ءَ را  شاھیگان کنگ  بوتگ۔   آئی ءَ گیش تران کنا ئَ گوشتکہ برطانیہ   ھم اوتی معیشت ءِ  ھوالگ ءَ  ھم باز سکیں ساھت  آں چہ گوزگ ءَ انت۔  پمے ھاترا  مئے سیت ءَ انت کہ آ تجارتی یکوئی   آناں سہرا بکن انت ءُیک ءِ دومیگ ءِگوما معیشت  ءِ سپورٹ ءَ  بکن انت۔  کشمیر ءِ جیڈھ  ءِ ھوالگ ءَ انجیلا رینر  ءَ گوشت کہ لیبر پارٹی ل مدا کشمیری الس  ءِ کمک،  ایمنیءَ گوں گیواری کنگ  ءُ کشاں چیل   آنی  ساپ ءُ سلہ  ئی ءِ گوما  ساپ کنگ ءِ واستہ  یونائیٹڈ نیشن ءِ سلامتی  کونسل ءِ منوگری آنی  واستہ   جزمیگ   بوتگ۔  گیشتر ایش کہ ، پاکستان ءُ بھارت  ءَ را کشمیری الس آنی  واستہ  یک ایمنیں  گیواری ءِ پٹ ءُپول  کنگی بوتگ، ایش ھمے واستہ ارزشتی بوتگ کہ اے جیڈھ  آنی تہءَ ھمک جانی  تاوان بنی آدم آنی  تاوان انت۔