میاں اوستمانی برات  پاکستان ءِ  سیلاپ ءَ چہ آماچیں  الس آنی  واستہ    آوانی یکوئی ءِ  جوزگ  آناں   راستی ءِ   رنگ  دیان ءَ  گم ءِ آماچیں  بنی آدم آناں  زوتیں  کمکی  ءُ برجائی ءِ واستہ گامگیج بکنت،  مزن  وزیر محمد   شہباز شریف  ءِ جندی  ٹی وتی چینل ءَ گوں  تران

نیویارک۔20ستمبر  (اے پی پی): مزن وزیر محمد شہباز شہباز شریف  ءَ میاں  اوستمانی برات  آنی سر ءَ زور پر دات کہ آ پاکستان ءِ  سیلاپ  ءِ آماچیں  الس آنی واستہ یکوئی ءِ جوزگ  آناں  گواچنی ءِ   رنگ  دیان ءَ گم ءِ آماچیں  بنی آدم آناں  زورتی ءَ  کمک ءُ برجائی ءِ   واستہ  گامگیج بکن  انت۔  مزن وزیر   انوں  یونائیٹڈ نیشن   ءِ جنرل اسمبلی ءِ  77 ھپتاد ءُ ھپتمی  دیوان ءَ بھر زوری ءِ واستہ امریکہ ءِ  تر ءُ   ءُ تاب ءَ انت۔    آ اے وھد ءَ یک جندی ٹیلی ویژن  جیو نیوز   ءَ گوں تران کنگ ءَ ات  آئی ءَ گوشت کہ  یونائیٹڈ  نیشن   ءِ جنرل اسمبلی ءِ  77  دیوان  ءَ بھر زوری ءِ  موہ ءَ   میاں اوستمانی سروک آنی گوما  "دلبڈیں ”  گپ ءُ تران بوتگ۔  آئی ءَ گوشت کہ آسٹریا  ءِ چانسلر  ءُ ہسپانوی  ھمکار   پیڈرو  سانچیز ءُ ایندگر آنی گوما وتی دو  نیمگی  گند ءُ نند  آنی تران آنی ھوالگ ءَ تران کنان ءَ  آئی ءَ گوشت کہ  ایشی ءِ مول ءُ مراد  یونائیٹڈ  نیشن  ءِ پلیٹ فارم ءِ  سر ءَ میاں اوستمانی برات آناں  پاکستان ءِ   تاوانی  سیلاپ  ءِ  بابت ءَ سئیگ ءُ  سرپد کنگ بوتگ۔  یک جستے  آئی ءَ چہ کنگ بوت کہ   یونائیٹڈ نیشن  ءِ  دیوان ءَ   کشمیر ءِ جیڈھ   ھم  آئی  گشتانک ءِ بن گپ  بیت ، گڈ ا مزن  وزیر ءَ پسو  دات کہ پرچا اِناں۔