نیویارک۔ 21 ستمبر (اے پی پی) چین نا اسٹیٹ کونسلر و وزیرخارجہ وانگ یی نا سلہ غا وزیر خارجہ بلاول بھٹو زرداری گروپ آف فرینڈز آف دی گلوبل ڈویلپمنٹ انیشیٹو(جی ڈی آئی ) نا وزارتی دیوان اٹی بشخ ہلک۔ دفترخارجہ نا رداٹ جی ڈی آئی نا سلاہ ءِ چینی صدر شی جن پنگ 20 ستمبر 2022 آ تسوسس۔ پاکستان 50 آن زیات ملک آتیا تالان “گروپ آف فرینڈز” اٹی اوار ءِ ہرادے جی ڈی آئی نا مسخت آتا مون آدننگ کن جوڑ کننگاسس ۔ داوخت آ وزیرخارجہ بلاول بھٹو زرداری پارے کہ چین نا بیلٹ اینڈ روڈ انیشیٹو اٹی چین پاکستان اقتصادی راہداری اسہ اہم ءُ ڈٹ اسے۔ اوپارے کہ پاکستان 29 ارب ڈالر نا ٹرانسپورٹ و توانائی نا ڈٹ آتیا عملدرآمد کرینے ہراڑآن پاکستان نا شونداری ٹی ودکی مسنے۔ وزیر خارجہ پارے کہ پاکستان پبی و گیشتر اقتصادی کمکاری ءِ مون آدننگ و پائیدار شونداری نا ہدف آتا نفاذ و امن و شونہالی نا اسیجائی آخبت کن ننا اجتماعی است خواہی ءِ پورو کننگ کن چین و گروپ آف فرینڈز نا ایلو باسک آتون اواری اٹ کاریم کننگ نا چاری ءِ۔
