اسلام آباد۔20ستمبر (اے پی پی): بنجاھی وزیر اھوالکاری ءُ شنگ کاری مریم اورنگزیب ءَ گوشتگ کہ عمران خان بلف ماسٹ ات، عمران خان ءِ شہباز شریف ءِ ھلاپ ءَ بیان ءِ یکیں پسو انت ، بہ گوز ناں کہ بہ سگ، آئی ءِ دماگ ءِ تہ ءَ نواز شریف، شہباز شریف ءُ مریم نواز ءِ ترس ءَ ریتگ۔ آ کجام گواچنی آجوئیءِ گپ ءَ کنت ؟ سئے شمبے ءَ پی ٹی آئی چیئرمین عمران خان ءِ گشتانک ءَ پسو ءَ درشان کنان ءَ آئیءَ گوشت کہ عمران صاحب مریم نواز ءَ را جیل ءَ مان کتگ ءُ تو گوشتگ کہ آئی ءَ را ترسیناں، بلے مرچی ءَ چہ مریم نواز ءِ ترس تئی دل ءَ نشتگ۔ شہباز شریف ءِ ڈن ملک ءِ تر ءُ تاب آنی ساھت ءَ واکی ترا جان ءِ ترس ءُ بیم انت۔ ڈاکٹر وتی کرا بکن۔ بنجاھی وزیر ءَ گوشت کہ عمرانی حکمت عملی، چاپلوسی بکنت، بلیک میل بکنت، کرپشن بکن، بلف بکن، دروگ بہ بنت۔ آئی ءَ گوشت کہ عمران خان دھمکی ءُ بلیک میلنگ ءَ چہ سروکی واپس نہ بیت۔
