نیویارک۔20ستمبر (اے پی پی): مزن وزیر محمد شہباز شریف مرچی سئے شمبے ءَ نیویارک ءَ دزگٹ بیت ءُ یونائیٹڈ نیشن ءِ جنرل اسمبلی ءِ 77 ھپتادءُ ھپتمی دیوان ءَ بھر زوری کنوکیں سروک مملکت ءُ حکومت ءِ شرپ ءَ یونائیٹڈ نیشن ءِ سیکرٹری جنرل انتو نیو گوتریس ءِ نیمگ ءَ داتگیں وش اتکی دیوان ءَ بھر زوری کنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر یونائیٹڈ نیشن ءِ جنرل اسمبلی ءِ 77 ھپتاد ءُ ھپتمی دیوان ءِ مزن تکی باست ءُ واست ءِ بنگیجی دیوان ءَ بھر زوری کنت۔ مزن وزیر کارگس ءِ فرانس ءِ صدر ایمنوئل میکرون، آسٹریا ءِ فیڈرل چانسلر کارل نیہمر ، سپین ءِ صدر پیڈرو سنچیز پیریز-کاسٹے جون ءُ ایران ءِ صدر سید ابراہیم رئیسی ءَ گوں جتا جتائیں گند ءُ نند کنت۔ نیم روچ ءَ مزن وزیر دی ٹائمز سینٹر ءِ تر ءُ تاب ءَ کنت ءُ نیویارک تائمز ءِ کارگسی بورڈ ءِ گوما گلگدار ءَ بھر زوری کنت۔ بیگام ءَ مزن وزیر ءَ گوں امریکہ ءِ موسمی مٹ ءُ بدلی ءِ پد ءَ ھاسیں نماھندگ جان کیری گند ءُ نند کنت۔
