نیویارک۔20ستمبر (اے پی پی): مزن وزیر محمد شہباز شریف یونائیٹڈ نیشن ءِ جنرل اسمبلی ءِ 77 ھپتاد ءُ ھپتمی دیونا ءَ بھر زوری ءِ واستہ مملکت ءُ حکومت آنی سروک آنی شرپ ءَ یونائیٹڈ نیشن ءِ سیکرٹری جنرل انتو نیو گوتریس ءِ نیمگ ءَ داتگیں وش اتکی دیوان ءَ بھر زوری ءِ واستہ یونائیٹڈ نیشن ءِ ہیڈ کورٹر ءَ روادگ بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف مرچی سئے شمبے ءَ نیویارک ءَ دزگٹ بیت ءُ یونائیٹڈ نیشن ءِ جنرلا سمبلی ءِ 77 ھپتاد ءُ ھپتمی دیوان ءَ بھر زوری کنوکیں حکومت ءُ مملکت آنی سروک آنی شرپ ءَ یونائیٹڈ نیشن ءِ سیکرٹری جنرل انتگو نیو گوتریس ءِ نیمگ ءَ داتگیں وش اتکی دیوان ء۔ بھر زوری کنت۔ مزن وزیر فرانس ءِ صدر ایمنوئل میکرون ، آسٹریا ءِ فیڈرل چانسلر کارل نیہمر ، سپین ءِ صدر پیڈرو سنچیز پیریز-کاسٹے جون ءُ ایران ءِ صدر سید ابراہیم رئیسی ءَ گوں جتا جتائیں گند ءُ نند کنت۔
