اقوام متحدہ۔ 19 جولائی (اے پی پی) پاکستان اقوام متحدہ غا زور شاغانے کہ خور، ایندھن و مالیات نا دمدستی چیلنج آتون مون تننگ کن ’’مربوط و گچین‘‘ گام گیج کننگ نا گرج ءِ ہرانیزگار انگا ملک و مخلوق ءِ بھاز بے وڑ زہمی کرینے و راج اٹ بے بریبری ءِ ودفینے۔ اقوام متحدہ ٹی پاکستان نا آخبتی مندوب منیر اکرم تدوک آ دے اقوام متحدہ نا اقتصادی و راجی کونسل (ای سی او ایس او سی ) نا کثیر الجہتی نا رکھ آ بڑزکو کہول انا دیوان اٹی شرہ ٹی پارے کہ دنیا ءِ داوخت آ کورونا نا دین، چاگڑدی بدلی و جھیڑہ کون آ بھلو چیلنج آک مون تروک ءُ و داوخت خور، ایندھن و مالیات نا دمدستی چیلنج آتا مون ءِ توننگ کن مربوط و گچین ورندی تننگ و پائیدار شونداری نا ہدف آتا دوئی کننگ ءِ پک کننگ کن اقوام متحدہ نا نظم انا جہانی میکانزم آ عمل کننگ نا ءِ۔ اونیزگار ملک آتے مون تروک چیلنج آتا اثرآتا وضاحت ءِ کرسا پارے کہ دہائی تیٹی اولیکو وار نیزگاری ٹی ودکی مسنے، لکھ آ بندغ بے روزگار مسنو، کبینی ٹی ودکی مس پائیدار شونداری ہدف و 2030 نا ایجنڈا نا دوئی کننگ اٹ کمتی بننگ ءِ وخت اس کہ 6 ملک آتا زرگزران بھسکاری نا دنگ آ سرمسنے۔ ننے جہانی کہول آ سویلی ملک آتیٹی اسہ ساڑی زرگزرانی ہلہلہ حالیت آتا مون تروک ءِ۔ پاکستانی مندوب منیر اکرم جہانی مالیاتی ادارہ(آئی ایف آئیز) نا کمک اٹ وام تیان نجات و فنڈنگ نا حوالہ ءِ ترسا پارے کہ اقوام متحدہ سیکرٹری جنرل و ای سی او ایس او سی نا کماشی ٹی کورونا دین اٹی و اوکان پد اسہ گچین جہانی ردعمل ءِ متحرک کننگ نا پبی کوشست کرے ولے داسہ ہم دا بابت جہانی سیوت نا کمتی ءِ۔ اوپارے کہ ویکسین نا فراوانی بے بریبری کورونا دین ءِ مرغن کرینے۔ اوپارے کہ پدتموک ملک آتے کورونا تنکی نا سوب آن مون تروک زرگزرانی مشکل آتیان کشنگ کن مالی کمک و لیکویڈیٹی نا پیشکش کننگتو۔
