اسلام آباد۔ 19 جولائی (اے پی پی) بنجائی وزیر خزانہ مفتاح اسماعیل تون سے شنبے نادے آ پاکستان اٹی ناروے نا سفیر البرٹ الاساس فنانس ڈویژن اٹی اوڑدہی کرے۔ بنجائی وزیر سفیر ءِ بخیر کرے و تین پہ تینی است خواہی نا امور آ گپ وتران کریر۔ بنجائی وزیر ناروے تون پاکستان نا دوستانہ تعلقداری تے مون آ تخسا پارے کہ ہڑتوم آ ملک آتا نیام اٹ ستاکڑزوک تین پہ تینی تعلقداری ءِ۔ وزیرخزانہ پائیدار و جوان شونداری کن ساڑی حکومت نا اقتصادی پالیسی و اولیت آتا بارواٹ پارے۔ داوخت آ البرٹ الاساس پارے کہ ہڑتوم آ ملک آک گچین تعلقداری تخوک ءُ و اوفتے خاص وڑاٹ اقتصادی پڑتیا پین مون آ دننگ نا گرج ءِ۔ وزیر خزانہ ہڑتوم آ ملک آتا نیام اٹ اقتصادی تعلقداری تے ودفنگ کن ساڑی حکومت نا پورو مخ تفی و کمکاری نا درشانی ءِ کرے۔
