اسلام آباد۔ 20مئی (اے پی پی) پاک چین دو نیمگی واپاری حجم ہر گوستگیں روچ زیات بوھگ ئَ انت چوشکہ یکجا واپاری دیمروی ئُُ اقتصادی رابطہ آں دِگہ زیات کنگ ئِ ھاترئَ دوئیں ملک تنے وھدے آزات واپاری ئِ معاہدہ ( ایف ٹی اے ) ئِ سرا ہم دستخط کرتگ انت۔ سرکاری ھال رسانکی ئِ ردا پاک چین دو نیمگی واپاری ئِ سالانہ حجم ئِ وجہ ئَ چین پاکستان ئِ دومی مزنیں شریدار جوڑ بوتگ انت۔ خطہ ئَ پوزیشن قدرتی وسیلگ ئِ باز بوھگ ئُُ گرم آپ ئِ بندرگاہ ئِ وجہ ئَ چین ئِ ھاتر ئَ پاکستان باز ارزشت داریت ئُُ ایشی ئِ وجہ ئَ دوئیں ملک آں یکجا اقتصادی سیادی ئَ دِگہ اضافہ بوتگ انت۔ پاکستان ئِ جغرافیائی جہت ئُُ پاک چین دو نیمگی کمک ئَ زیات کنگ ئُُ جنوبی ایشیا ئَ مشرق وسطیٰ ئَ ہمگرنچ کنگ ئِ ھوالہ ئَ چین اقتصادی راہداری ئِ ھوالہ ئَ پاکستان ئَ 46ارب ڈالر ئَ چہ زیات ئِ سرمایہ کاری کنگ ئَ انت۔ چین پاکستان اقتصادی منصوبہ (سی پیک) ئِ ردا چین پاکستان ئَبندرگاہ، جہاز رانی ، بنیاتی ڈھانچہ، مواصلات ئُُ توانائی ئِ ھواری ئَ دومی لہتیں شعبہ آں سرمایہ کاری کنگ ئَ انت آئی ئَ پاک چیند و نیمگی کمک ئُُ پاکستان ئِ معاشی دیمروی ئَ کمک بہ رسیت۔ پاک چین اقتصادی راہداری منصوبہ ( سی پیک) دو نیمگی سیادی ئِ روژن مثال انت کہ آ درستیں دگنیا ئِ زانتکار اقتصادی آنی نظر ئَ گیم چینجز ثابت بیت ۔ پاکستان ئَ سی پیک ئَ سرجمیں پائدگ کنگ لوٹیت آئی ئَ نہ الما ملک ئِ صنعتی دیمروی ، الما چین ئِ ضلورت نہ بلکں پاکستان ئِ واب آنی تعبیر ہم ثابت بیت۔
