اسلام آباد۔ 20مئی ( اے پی پی ) چینی صدر شی جن پنگ ئُُ مزن وزیر لی کی کیانگ ئَ پاک چین سفارتی سیادی ئِ 65می سالروچ ئِ موہ ئَ پاکستان ئِ حکومت ئُُ اُلس ئَ مبارکباتی دئیگ ئَ پاکستانئَ یک شریں ہمساھگ ، نزیکی دوست، یکجا بھروسہ شریدار ئُُ چین ئِ مہر براتی گشتگ انت۔ صدر ممنون حسین ئُُ مزن وزیر محمدنواز شریف ئِ نام ئَ وتی جتا جتائیں تہنیتی کلہو آں چینی سروک آں گشتگ انت کہ چین پاکستان سیادی میاں استمانی ئُُ تہی ھالت ئِ بدلی ئَ ابید آزمائشت ئِ ہر وھد ئَ پورا آتگ انت ئُُ اے سیادی ئَ آکبتی پیشرفت بوتگ ینی صدر شی جن پنگ ئَ گشتگ کہ چین ئُُ پاکستان سدا بہار سٹریٹجک پارٹنر انت ئُُ ساڑی سال آں آھاں سیادی سوگو پیشرفت بوتگ انت۔ آئی ئَ گشتگ کہ ماں جامع پائیدار کمک ئَ شریں پیشرفت کرتگ انت ئُُ دوئیں ملک آنی نیام ئَ اُلسی پرئَ روگ ئُُ آھگ ئَ اضافہ بوتگ انت۔ شی جن پنگ ئَ گشتگ کہ چین پاکستان ئَ بیلٹ اینڈ روڈ انیشیٹو ئِ جوڑ ئُُ جاڑی ئَ یک ھاسیں پارٹنر منیت۔ آئی ئَ گشتگ کہ چائنا پاکستان اکنامک کوریڈور ئِ جوڑئُُ جاڑی ئَ پاکستانئُُ چین ئِ کمیونٹی ئِ ھواریں مزل ئِ جوڑ ئُُ جاڑی ئِ ھاتر ئَ سکیں بنیات دنت ۔ آئی ئَ گشتگ کہ آ چین پاکستان سیاسی ئَ مزنیں ارزشت داریت ئُُ یک شریں باندات ئِ ھاترئَ پاکستان ئِ صدر ئِ گوں کار کنگئِ ھاتر ئَ تیار انت۔ آئی ئَ گشتگ کہ پاکستان ئُُ پاکستان ئِ اُلس ئِ دیمروی ئُُ وشحالی ئِ ھاتر ئَ وتی نیک واہشت ئِ درشانی کرتگ۔ چینی مزنو زیر کی کیانگ ئَ مزن وزیر نواز شریف ئِ نام ئَ وتی کلہو ئَ گشتگ کہ پاکستان چین ئِ یک شریں ہمساھگ ، نزیکی دوست، بھروسہی پارٹنر ئُُ مئے مہر کنوک برات انت۔ آئی ئَ پاک چین سفارتی سیادی ئِ 65می سالروچ ئِ گپ کنگ ئَ گشتگ کہ دوئیں ملک پر امن بقائے باہمی ئِ پنچ اصول آنی سرا کار بند انت آھانی نیام ئَ سیاسی بھروسہ ، یکجا مفیدمعاشی کمک است انت ئُُ آ یک دومی ئِ بنیاتی مفاد آنی باروا مسئلہ ئِ ارزشت دئینت۔ آئی ئَ گشتگ کہ چین ئَ ہر وھد ئَ پاک چین سیادی ئَ سٹریٹجک برزی ئِ سرا برھگ ئُُ آھاں دراجیں وھدی جوڑ کنگ ئِ ازم ئِ درشانی کرتگ انت۔ آئی ئَ گشتگ کہ منی ملک چین پاکستان اکنامک کوریڈو ر ئِ تیزی ئَ جوڑ ئُُ جاری ئُُ سدا بہار سٹریٹجک، یکجا شریداری ئِ آکبتی دیمروی ئِ ھاتر ئَ تیار انت۔ آئی ئَ اے بھروسہ ئِ درشانی کرتگ کہ چائنا پاکستان فرینڈ شپ نسل در نسل دیما روت ئُُ وھد گوزت ئِ گوں دِگہ سوگو بیت۔ چینی وزیر خارجہ وینگ پی ئَ مزن وزیر ئِ مشیر برائے امور خارجہ سرتاج عزیز ئِ نام ئَ وتی کلہو ئَ گشتگ کہ چین ئُُ پاکستان ئِ نیام ئَ یکجا مفاہمت ، شرپ ھوار انت کہ آ یک دومی ئِ حمایت کن انت۔آئی ئَ گشتگ کہ دوئیں ملک آنی نیام ئَ سک سیاسی، یکجا بھروسہ ئُُ سدا بہار دوستانہ سیادی است انت آھانی نیام ئَ درستیں شعبہ آںکمک است انت۔ آئی ئَ گشتگ کہ چین ئِ خارجہ پالیسی ئَ پاکستان ئَ ترجیحی جہت ھست انت ۔ آئی ئَ سدا بہار سٹریٹجک، یکجا شریداری ئَ سوگو جوڑ کنگ ئِ ھاتر ئَ بازیں کوشست ئِ ازم ئِ درشانی کرتگ۔ پاکستان ئَ چین ئِ سفیر سن وی ڈونگ ئَ وتی کلہو ئَ گشتگ کہ چین ئُُ پاکستان ئِ دوستانہ ھواریں واب انت ھواریں باندات انت۔ آئی ئَ گشتگ کہ بازیں آزمودہ ئُُ پائیدار پاک چین سیادی قطبی کمک ئُُ ملک آنی نیام ئَ شریں سیادی ئِ یک رژن مثال ئِ جہت داریت۔
