راولپنڈی۔ 20مئی ( اے پی پی) راولپنڈی چیمبر آف کامرس اینڈ انڈسٹری ئِ صدر میاں ہمایوں پرویز ئَ گشتگ انتکہ پاک چین دوستی یک ازمئُُ لا زوال عہد ئِ منزل طے کن ئَ مرچی یک توانا درچک جوڑ بوتگ انت، 65سال ئِ دراجیں سفر ئَ ھچ برز ئُُ جہلی نہ بوتگ بلکں ہر گوستگیں وھد ئِ گوںھواری ئَ اے یک باز سوگو رشتگ ئَ بدل بوھگئَ انت اے رشتگ واپاری، سفارتی، دعاعی ئُُ سیل ئُُ سوادی رابطہ ئِ شکل ئَ دیما روان انت۔ پاک چین سفارتی سیادی ئِ 65سال سرجم بوھگ ئِ سرا اے پی پی ئَ انٹر ویو دئیگ ئَ آئی ئَ گشتگ کہ ہر وھد ئَ پاک چین دوستی ئِ سیادی سوگو بوھگ ئَ انت۔ راولپنڈی ئِ تاجر برات چیمبر ئِ پلیٹ فارمئَ دوستی ئِ اے سیادی ئَ سوگوئُُ محکم جوڑ کنگ ئِ ھاتر ئَ وتی بہر ئِ کوشستئُُ جہد برجاہ داشتگ انت۔ آئی ئَ گشتگ کہ راولپنڈی چیمبر آف کامرس اینڈ انڈسٹری پاکستان ئُُ چین ئِ نیامئَ واپاری رابطہ زیات کنگ ئُُ دو نیمگی واپاری حجم زیات کنگئِ ھاتر ئَ لہتیں دیوان اڈ دئیگ ئُُ گام گیج کنت۔ چین ئَ کینٹون فیئر بیت یا چیمبر ئَ چائنا ویک ، آرسی سی آئی ہر وھدئَ اے دود ئُُ ربیدگ برجاہ داشتگ انت۔ کینٹون فیئر ہر سال چین ئَ بیت اے سلسلہ ئَ چیمبر ئَ ٹولہا ٓنی روگ ئُُ آھگ ئِ ھاتر ئَ تاجر برات آں زیات ئَ چہ زیات آسراتی دئیگ ئَ انت، بزنس ویزہ ئِ پراسیسنگ ئَ بگر تاں ٹکٹ ٹولہ آں شریں راھشونی دئیگ ئَ انت ایشی ئَ ابید تاجر آں آسراتی ئِ ھاتر ئَ چینی زبانئِ کورس ہم کنائینت انت۔ آئی ئَ گشتگ کہ پاکستانی مصنوعات دگنیا ئَ وتی یک ھند دار انت،پاکستانئُُ چین ئِ نیامئَ دو نیمگی واپاری ئِ حجم کساس 17ارب ڈالر ئِ نزد انت آئی ئَ دیما برگ ئِ دراجیں موہ ھست انت۔ آئی ئَ گشتگ کہ چین پاکستان ئَ پُچ، ماربل، ماہیگ، جراحی چیز، تمبو ئُُ پوست درآمد کنت ضلورت اے گپے انتکہ اے شعبہ آں واپاری ئِ حجم ئَ زیات بہ کن ات تنکہ دو نیمگی واپاریئَ توازن بہ مانیت۔
