اسلام آباد۔ 24اپریل (اے پی پی) دفترخارجہ دا ہیت انا سختی اٹ تردید ئِ کرینے کہ وزیراعظم نا خصوصی کمکار خارجہ امور طارق فاطمی ملک ئِ ہلانے۔ دفترخارجہ نا پاننگ ئِ کہ وزیراعظم نا خصوصی کمکار خارجہ امور طارق فاطمی نا برخلاف اسہ بے بنداو ئُ خبر اس گردش کننگ ئِ کہ او ملک ئِ ہلانے۔ دفترخارجہ داہیت انا سختی اٹ تردید ئِ کرسا پارینے کہ او وزارت خارجہ ٹی ساڑی ئِ و تینا فرض ئِ سرانجام تننگ ئِ۔ اسہ ٹی وی چینل نا اینکر اسے نا کنڈآن دا غیر زموارانہ و بدنیتی آ مبنی دوبہ طارق فاطمی و وزارت آ سنگین ئُ جلہو اسے۔ وزارت پروپیگنڈہ ٹی اوار خلقت نا برخلاف کانودی چارہ جوئی نا حق تخک۔
