اسلام آباد۔24جون (اے پی پی):وفاقی تہی کارانی وزیر محسن نقوی ءَ میجر سید معز عباس ءُ لانس نائیک جبران اللہ ءَ را یات کتگ کہ آ جنوبی وزیرستان ءِ دمگ ءَ بھارت ءِ سرپرستی ءَ ناشرکارانی ھلاپ ءَ بہادری ءَ گوں جنگ ءِ وھد ءَ شھید بوتگ اَنت۔ سئے شمبے ءِ روچ ءَ وتی بیان ءِ تہ ءَ آئی ءَ گوشت کہ شھید بوتگیں میجر سید معز عباس ءُ لانس نائیک جبران اللہ ءَ راج ءِ ایمنیں باندات ءِ واستہ وتی سر ندر کتگ اَنت۔ شھید میجر سید معز عباس ءُ لانس نائیک جبران اللہ راج ءِ بامرد اَنت ۔ محسن نقوی ءَ گوشت کہ شھیدیں میجر سید معز عباس ءُ لانس نائیک جبران اللہ ءِ مزنیں قربانی ءَ را راج دائم ءَ یات کنت۔ وفاقی وزیر ءَ گوشت کہ شھید بوتگیں میجر سید معز عباس ءُ لانس نائیک جبران اللہ ءَ فتنہ الهندستان ءِ ناشرکار آنی بدیں منصوبگ ناکام کتگ ءُ 11خوارج جہنم ءَ روان داتگ اَنت۔ شہیداں وتی جان قربان کتگ ءُ فتنہ الهندستان ءِ ناشرکاراں مثالی آسر ءِ سر ءَ سر کتگ۔ شھیدیں میجر سید معز عباس ءُ لانس نائیک جبران اللہ ءِ وڑیں دلیریں پرزند راج ءِ شان اَنت۔ توکی کارانی وزیر محسن نکوی ءَ شہیدیں میجر سید معز عباس ءُ لانس نائیک جبران اللہ ءِ گس ءِ گوما دل ءِ جہلانکی ءَ دلپدردی ءُ دلپدردی ءِ درشانی کتگ ءُ گشتگ کہ مئے درستیں ہمدردی شہیدانی گس ءِ گوما انت۔
