اسلام آباد۔24جون (اے پی پی):گپ ءُ تران ءُ سفارتکاری ءِ وسیلگ ءَ امن ءِ بحالی ءِ ارزشت ءِ سر ءَ زور پر دیان ءَ مزن وزیر محمد شہباز شریف ءَ اقوام متحدہ ءِ سلامتی کونسل ءُ او آئی سی ءَ ھوار سرجمیں سفارتی فورم آنی تہ ءَ ایران ءِ واستہ پاکستان ءِ کمک ءِ سر ءَ زور پر دات وھدیکہ ایران ءِ صدر ڈاکٹر مسعود پیزیشکیان ءَ امن ءِ دیمروئی ءِ ھاترا پاکستان ءِ دیمروئی ءِ سر ءَ زور پر دات۔ اڑاند. سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ ایران ءِ صدر ڈاکٹر مسعود پزیشکیان ءَ گوں ٹیلی فون کتگ۔ مزن وزیر ءَ وتی گپ ءُ تران ءِ تہ ءَ گوشت کہ پاکستان میاں اوستمانی تک ءَ ترندی ءَ گوں بدل بوھوکیں جاور ھال آنی سر ءَ مُدام نگرانی ءَ کنگ ءَ اِنت۔ آئی ءَ گپ ءُ تران ءُ سفارتکاری ءِ وسیلگ ءَ امن بحال کنگ ءِ ارزشت ءِ سر ءَ زور پر دات۔ آئی ءَ اقوام متحدہ ءِ سلامتی کونسل ءُ او آئی سی ءَ ھوار درستیں سفارتی فورم آنی تہ ءَ پاکستان ءِ ایران ءِ کمک ءِ پدرائی کت ءُ سرجمیں گل آناں چہ لوٹ کت کہ آ میاں اوستمانی کانود ءُ اقوام متحدہ ءِ منشور ءِ رھبند آنی سر ءَ عمل بہ کن اَنت۔ صدر پیزیشکیان ءَ گوستگیں وھد ءَ پاکستان ءِ یکجاھیں ءُ اصولی کمک ءِ سر ءَ مزن وزیر ءِ منت گپت۔ آئی ءَ جیڈھ ءِ پرامن گیواری ءِ دیمروئی ءِ واستہ پاکستان ءِ جوڑیشت ءِ کرد ءَ را ھم من اِت۔ دوئیں رہشوناں امت ءِ نیام ءَ یکوئی ءِ ارزشت ءِ سر ءَ تپاک کت ءُ اے گران تریں وھد ءَ رابطہ ءِ تہ ءَ برجم دارگ ءِ سر ءَ تپاک کت۔
