اسلام آباد۔ 24اپریل (اے پی پی) مسلم لیگ (ن) نا راہشون دانیال عزیزپارینے کہ ”گالی دو فیصلہ لو“ عمران خان نا وطیرہ ئِ ، مسلم لیگ (ن) سپریم کورٹ نا مون آ کاٹم ئِ شیف کرے نن عمران خان ئِ ہلسا سپریم کورٹ آ اتینہ ۔ الیکشن کمیشن نا پیشن میڈیا تون ہیت و گپ کرسا اوپارے کہ عدالت پی ٹی آئی نا وکیل آ برہمی نا درشانی ئِ کرینے۔ پی ٹی آئی والاک الیکشن کمیشن اٹی فارن فنڈنگ نا ورندی ئِ جمع کرفنگ آن بیدس ڈکھنگ ئُ تینے نن تحریک انصاف ئِ ڈکھنگ نا موقع تفنہ۔ مسلم لیگ (ن) نا راہشون پارینے کہ پی ٹی آئی والاک ادارہ غاتا تضحیک ئِ کیرہ، تحریک انصاف ناشفافیت نا داوا ئِ کرسا پارسا کریکہ کہ عمران خان تون اوار غٹ باسک آک ہرا پی ٹی آئی ٹی شمولیت اختیار کیرہ اوفتا میرات آتا سرجم ئِ ویب سائٹ آ جاری کننگک ولے داسہ الیکشن کمیشن اٹی شاہدی پیش کننگ آن بیدس استثنا دوئی کننگ نا کوشست کننگ ئِ نن اونا اصل چیرہ ئِ الس ئِ نشان ایتنہ۔
