اسلام آباد۔24جون (اے پی پی):مزن وزیر محمد شہباز شریف ءَ نیب ءِ زیر اوشتاتگیں کیس آناں زوتاں چہ زوت گر ءُ دار کنگ ءِ ہدایت کتگ ءُ گوشت کہ ملک ءَ چہ کرپشن ءُ بدکاری ءِ ھلاسی حکومت ءِ اولی ترجی آنی تہ ءَ ھوار انت۔ نیب ءَ مالی فراڈ ءِ آماچیں مردمانی کمک ءُ آہانی فنڈز ءِ زوتیں وھد ءَ واپسی ءِ دل یکیمی کنگ ءِ واستہ گامگیج چست کتگ۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ نیشنل اکاؤنٹیبلٹی بیورو ءِ چیئرمین لیفٹیننٹ جنرل نذیر احمد بٹ ءَ مزن وزیر محمد شہباز شریف ءَ گوں گند ءُ نند کتگ۔ چیئرمین نیب ءَ راجی احتساب بیورو ءِ سال 2023-24 ءِ دو سالی کارکردگی رپوٹ مزن وزیر ءَ را پیش کت۔ رپورٹ ءِ تہ ءَ راجی احتساب ءِ کارگس ءِ بنجاھی کارگس ءُ دمگی کارگس آنی ریکوری ءُ کارکردگی ءِ ھوالگ ءَ تفصیل ھوار کنگ بوتگ۔ مزن وزیر ءَ ملک ءَ چہ کرپشن ءِ ہلاسی ءَ نیشنل اکاؤنٹبلٹی بیورو ءِ کرد ءَ را ساڑات۔ آئی ءَ گوشت کہ ملک ءَ چہ کرپشن ءُ بدکاری ءِ ھلاسی حکومت ءِ اولی ترجی آنی تہ ءَ ھوار انت۔ کرپشن ءَ چہ پاکیں پاکستان ءِ وژن ءِ سرجم کنگ ءِ واستہ نیب ءَ را درستیں المی ئیں آسراتی پجاری کنگ بنت ۔ نیب مالی فراڈ ءِ آماچیں مردمانی کمک ءِ واستہ گامگیج بہ زوریت ءُ آہانی فنڈز ءِ زوتیں وھد ءَ واتر کنگ ءَ دل یکیمی بہ کنت۔ مزن وزیر ءَ ہدایت کت کہ نیب ءِ زیر دست بوتگیں کیس آں زوتاں چہ زوت ہلاس کنگ بہ بیت۔ چیئرمین نیب ءَ گوشت کہ گوستگیں دو سال آنی تہ ءَ ارباں کلدار ءِ لگتمالی ءِ زرّ برآمد کتگ انت۔ نیب ءَ ارباں کلدار ءِ سداں ایکڑ سرکاری زمین ناجائزیں قبضہ ءَ چہ برآمد کتگ ۔ سال 2023-24 ءِ تہ ءَ نیب ءَ 700 انکوائری سرجم کتگ ءُ 218 پٹ ءُ پول سرجم کتگ وھدیکہ 21 نوکیں ریفرنس دائر کتگ۔ گند ءُ نند ءَ وفاقی وزیر کانود ءُ انصاف اعظم نذیر تارڑ ھم ساڑی ات۔
