واشنگٹن/اسلام آباد۔ 24اپریل (اے پی پی) انٹرنیشنل فنانس کارپوریشن (آئی ایف سی) نا ایگزیکٹو وائس پریزیڈنٹ و چیف ایگزیکٹو آفیسر فلپ لی ہوئیرو پارینے کہ آئی ایف سی تینا پروگرام نا کچ ئِ اسہ ارب ڈالر اسکان ودفنگ نا خواہندار ئِ۔ او بنجائی وزیر خزانہ سینیٹر اسحاق ڈار نا سروکی ٹی پاکستانی ڈل اتون اوڑدہی ٹی خیال آتا درشانی ئِ کریکہ۔ اوڑدہی ٹی فلپ لی ہوئیرو وزیرخزانہ اسحاق ڈار ئِ ڈھانچہ جاتی اصلاحات نا بناءو آئی ایم ایف پروگرام نا پوروی آ مبارکبادی تس ۔ اوپارے کہ آئی ایم ایف سی نا کم و ود 8 سد ملین ڈالر کچ انا پروگرام ئِ ہرا دادے اسہ ارب ڈالر آن زیات اسکان دننگ نا خواہندار ئِ۔ اومستی پارے کہ آئی ایم ایف نجی بشخ اتون کاریم کننگ ئِ و نجی بشخ پاکستان اٹی زرکاری ٹی ودکی کن وارخواہی نا چاری گر ئِ۔ وزیر خزانہ سینیٹر اسحاق ڈار آئی ایف سی نا پاکستان اٹی پروگرام نا کچ ئِ ودفنگ آ منت واری ئِ ادا کرے۔ وزیر خزانہ پارے کہ آئی ایف سی پاکستان نا توانائی نا بشخ اٹی نجی بشخ انا زرکاری نا کمک اٹ کمک کننگ کیک۔ اوڑدہی نا ایسری آ وزیر خزانہ ایگزیکٹو وائس پریزیڈنٹ آئی ایف سی ئِ سلہ تس کہ اوملک انا گڑاس سرکاری کاروباری ادارہ غاتا نجکاری ٹی حکومت پاکستان تون کمک کے۔
