چیئرمین سینیٹ محمد صادق سنجرانی نا ٹریفک شکست اٹی مسکوہی قومی اسمبلی نا باسک میاں گل عدنان اورنگزیب نا کزیت آ ہڑزخواہی

اسلام آباد۔ 31 مئی (اے پی پی) چیئرمین سینیٹ محمد صادق سنجرانی ہری پوراٹی ٹریفک شکست اٹی مسکوہی قومی اسمبلی نا باسک میاں گل عدنان اورنگزیب نا کزیت آ است ہسونی نا درشانی ءِ کرینے۔ سینیٹ سیکرٹریٹ نا رداٹ چیئرمین سینیٹ میاں گل عدنان اورنگزیب کن بخشش نا دعا کرے کہ اللہ تعالیٰ ایماندار نا درجہ غاتے بڑز کے و خاہوت ءِ صبر و جمیل عطاکے۔ چیئرمین سینیٹ پارے کہ او ایماندار نا خاہوت نا غم اٹی بریبر نا شریک ءِ۔ چیئرمین سینیٹ صادق سنجرانی پارے کہ میاں گل عدنان اورنگزیب نا سیاسی خذمت و خاص وڑاٹ تعلیم نا بابت اونا کوشست آتے مدام یات تخنگک۔ ڈپٹی چیئرمین سینیٹ مرزامحمد آفریدی ہم تینا جتا ءُ کلہو اسے ٹی میاں گل عدنان نا کزیت آ است ہسونی نا درشانی ءِ کرسا پدسلوک آتون ہڑزخواہی کرینے۔