اسلام آباد۔ 31 مئی (اے پی پی ) سیکرٹری مذہبی امور آفتاب اکبر درانی پارینے کہ حج آپریشن 2022 اومیت آتا رداٹ مون آ ہِننگ ءِ، وزارت مذہبی امور 6 تُو آ تالان حج آپریشن ءِ اسہ تُو انا چنکو مد اسے ٹی پورو کرسا پوسکن ءُ تاریخ اس نوشتہ کرینے۔ سے شنبے نادے آ اسہ بیان اسے ٹی او پارے کہ حاجی کیمپ آتا کمک اٹ80 درسد آن زیات سرکاری حاجی تا تربیت نا عمل ءِ پورو کننگانے۔ سعودی کمامدارآتا پارت آ روڈ ٹو مکہ نا اولیکو جہاز 5 و 6 جون نا نیامی نن اسلام آباد آن روانہ مریک۔ حاجی تے جہاز آتا بابت اطلاع بذریعہ ویب سائٹ و موبائل میسج کننگک۔ سرکاری عازمین حج پی آئی اے، ایئر بلیو، سیرین و سعودی ایئر نا کمک اٹ سعودی عرب آ سرمریک۔ عازمین حج برجا ہیلکاری پروگرام تیٹی بشخ ہلنگ ءِ پک کیر عازمینک تعلقدار حاجی کیمپ آتون رابطہ تخر، پارت آتا رداٹ حج انا تیاری تے پورو کیر۔ اوپارے کہ وزارت نا عملہ، بینک، ایئر لائنز و ایلو اسٹیک ہولڈر آتا سرسہب حج آپریشن کن ٹائم لائن نا رداٹ لگوک ءُ۔
