ہائیر ایجوکیشن کمیشن ءِ مسکوہی دور انا وڑآ بحال ، بجٹ 2022-23اٹی کٹوتی کننگپ، وزیراعظم

اسلام آباد۔ 30 مئی (اے پی پی) وزیراعظم شہباز شریف ہائیر ایجوکیشن کمیشن نا بحالی و بجٹ 2022-23اٹی کٹوتی کپننگ نا پارت کرسا پارینے کہ ہائیر ایجوکیشن کمیشن ءِ مسلم لیگ (ن) نا مسکوہی دور  انا وڑآ فعال کننگے۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم ہائیر ایجوکیشن کمیشن نا بابت وزارت ڈٹ بندی و خزانہ ءِ پارت جاری کرینے۔ وزیراعظم پارت کرے کہ ہائیر ایجوکیشن کمیشن نا بجٹ اٹی تدوک آ پونے چار سال اٹی کٹوتی بڑزکو تعلیم آ منفی اثر شاغانے، داعمل ءِ ریورس کننگے۔ مچ آ ملک انا یونیورسٹی تیٹی تعلیمی پروجیکٹ آتا بحالی آ چکار کننگے۔ بڑزکو تعلیم ءِ جہانی آب آ استوار کرسا پروگرام تا کچ اٹ ودکی کننگے۔ ہائیر ایجوکیشن نا بجٹ اٹی کٹوتی کننگپ۔ ہائیر ایجوکیشن کمیشن نا وسیلہ غاتیٹی خاطر خواہ ودکی کننگے۔ استاد و طالب علم آتے ہرممکن آسراتی فراوان کننگے۔