لاہور۔ 10مارچ (اے پی پی) وزیراعظم عمران خان پارینے کہ سیاسی پڑآ اولیکو و اہم ریسہ اسلام آباد ءِ، حکومت سیاسی پڑآ پراعتماد و سوگو ءِ، پنجاب نا سیاسی حالیت آتیا سرجم سلابت اٹ فیصلہ کننگک۔ داخیال آتا درشانی ءِ او گورنر پنجاب چوہدری محمد سرور و وزیراعلیٰ پنجاب سردار عثمان بزدار تون گپ وتران کرسا کرے ہرافک پنچ شنبے نادے آ داڑے اوڑتون اوڑدہی کریر۔ وزیراعظم آفس نا میڈیا ونگ انا کنڈآن جاری بیان نا رداٹ اوڑدہی ٹی ملکی سیاسی حالیت آتیا سرجم گپ وتران کننگا۔ داکان بیدس اوڑدہی ٹی صوبہ نا انتظامی امور و برجاشونداری ڈٹ آتیا پیش رفت آ گپ وتران کننگا۔ وزیراعظم عمران خان بنجائی وزیر مخدوم شاہ محمود قریشی، اسد عمر، شفقت محمود، مخدوم خسروبختیار ، وزیر مملکت فرخ حبیب و خصوصی کمکار ڈاکٹر شہباز گل تون اوار پنچ شنبے نادے آ اسہ دے ئی دورہ غا لاہور آ سرمس۔
