رسد نا ویل، افراط زر انا مون ءِ تورسا اقتصادی بحالی پالیسی ساز آتیکن اہم ءُ چیلنج اسے، آئی ایم ایف

اسلام آباد۔ 10 مارچ (اے پی پی) جہانی مالیاتی فنڈ (آئی ایم ایف ) پارینے کہ رسد نا ویل انا سوب آن افراط زر انا مون ءِ تورسا اقتصادی بحالی پالیسی ساز آتیکن اہم ءُ چیلنج اسے۔ اسہ بلاگ اسے ٹی آئی ایم ایف پارینے کہ کوویڈ۔ 19 نا سوب آن صارف آتا خذمت آتا دوئی کننگ آ خڑچ آتے کم وخت اس کہ مینو فیکچرنگ مصنوعات آتا ہلنگ نا خڑچ آتے ٹی ودکی مسنے۔ ادارہ نا پاننگ ءِ کہ زرگزرانی بحالی نا حکمت عملی نا رداٹ مینو فیکچرنگ نا پیدوار ودانے ولے کیمیکل و مائیکرو چپس تون اوار ایلو خام مال انا کاختی نا ویل آتیان صنعتی بشخ انا پیدوار زہمی مننگ ءِ، ترسیل نا ویل آتا سوب آن مصنوعات نا نہاد آتیٹی ودکی مسنے۔ آئی ایم ایف پارے کہ ترسیل نا مشکل آتیان افراط زر ودانے و افراط زر انا مون ءِ تورسا زرگزرانی بحالی ءِ پک کننگ پالیسی ساز آتیکن اسہ اہم ءُ چیلنج اسے۔