اسلام آباد۔ 10 مارچ (اے پی پی) بنجائی وزیر بین الصوبائی رابطہ ڈاکٹر فہمیدہ مرزا نا پاکستان فٹ بال فیڈریشن نا نارملائزیشن کمیٹی نا عہدیدار آتون ویڈیو لنک انا کمک اٹ سرجم اوڑدہی مس۔ اوڑدہی ٹی پاکستان اٹ فٹبال ساڑی حالیت آتیا گپ وتران کننگا و فیفا ساڑی آ ویل آتا ایسری کن ڈاکٹر فہمیدہ مرزا نا کوشست و کوشست آتا ستاءِ کرسا سفت ءِ کرے و بروک آ فٹبال نا سرجز آتیٹی پاکستان اسپورٹس بورڈ اتون اواری اٹ کاریم کننگ اٹ است خواہی ظاہر کرے۔ اوڑدہی ٹی فیفا نا نمائندہ پارے کہ ہندن کہ فٹبال ہاؤس نارملائزیشن کمیٹی نا حوالہ کننگک فیفا تینا معطلی ءِ منسوخ کیک و فٹبال فیڈریشن نا گچین کار تا عمل بناکننگک وخت اس کہ فیفا نا بھلا شونداری فنڈ آتے ملک اٹی فٹبال نا مون آ دننگ آ خڑچ کننگک۔ بنجائی وزیر ڈاکٹر فہمیدہ مرزا ویل آتا ایسری کن داتم اسکان چست کروک گام گیج آتے مون آتخا و پاکستان فٹ بال فیڈریشن نا زوت آن زوت ساف، آجو و شفاف گچین کاری تا اڈتننگ کن تینا موقف نا درشانی ءِ کرے۔ دااوڑدہی ءِ پاکستان ءِ جہانی فٹ بال نا خڑک اتنگ و فیفا ٹی اونا رکنیت ءِ بحال کننگ کن اسہ بھلو گام اس گوند نگ انگ ءِ۔ اوڑدہی ٹی ڈاکٹر فہمیدہ مرزا، بنجائی وزیر بین الصوبائی رابطہ آن بیدس فیفا، ایشین فٹ بال کنفیڈریشن نا نمائندہ و نارملائزیشن کمیٹی نا باسک آک بشخ ہلکر ہرافتے ٹی مسٹر سنجیون بالاسنگم، ڈائریکٹر ممبر ایسوسی ایشنز، مسٹر رالف ٹیز، ڈائریکٹر گورننس، مسٹر لوراڈیجک، سینئر منیجر گورننس فیفا، مسٹر پوشوتم کٹل، سینئر منیجر، اے ایف سی آن مسٹر دنیش ڈی سلواو نارملائزیشن کمیٹی نا چیئرمین ہارون ملک ایلو باسک آتے ٹی حارث عظمت، شاہد کھوکھر باسک و سعود ہاشمی ئسک اوار ئسر۔
