اسلام آباد۔ 09 مارچ (اے پی پی) وزیراعظم نا خصوصی کمکار جان جوڑی ڈاکٹر فیصل سلطان پارینے کہ تمباکونوشی نا خطرہ غاتا بارواٹ مخلوق اٹ آگاہی ودی کننگ نا گرج ءِ۔ داخیال آتا درشانی ءِ او فیکٹ شیٹ لانچ ان ٹو بیکو نا دود آن تران کرسا کرے۔ اوپارے کہ ورناچین اٹی داسہ تمباکونوشی نا کچ بھاز زیات ءِ، نن کوشست کننگ اُن کہ ایلو وزارت آک تمباکونوشی نا چٹفنگ کن تینا کڑد ءِ ادا کیر۔ اوپارے کہ ایلو ملک آتون موازنہ کننگے تو اندازہ مریک کہ اوتمباکو نوشی ءِکم کننگ اٹ اخس سخت گام گیج کریر۔ اوپارے کہ ننا کوشست مسنے کہ ہندن ءُ بل اس منظور مرے ہراٹی ہموغٹ گڑاک اوار مریر ہرافتا کاریم اٹ اتنگ مضر ءِ و بل اٹ خراج نما گڑا شاغنگے تانکہ دانا کاریم اٹ اتنگ اٹ کمتی اتنگ مرے۔ اوپارے کہ ہیلتھ پروفیشنل آتا تربیت نا بھاز ضرورت ءِ انتئے کہ ہراتم ہیلتھ پروفیشنل آتا تعلیم اوفتا تربیت و اوفتا کوالٹی آف نالک ءِ ہراتم نم ودفرے تو تینٹ راج انا ماحول ءِ بدل کیک ۔ اوپارے کہ انتئے کہ ہراتم ڈاکٹر آک تمباکونوشی نا کاریم اٹ اتنگ نا نسخان تا پارہ تو الس آ اوفتا اثر زیات زو مریک۔ اوپارے کہ الس ءِ آگاہی تننگ آن ہی ویل آتے ایسر کننگ مریک۔ اوپارے کہ تمباکونوشی نا توننگ کن گام گیج کروئی مریک انتئے کہ تمباکونوشی نا زیات کاریم اٹ اتنگ جان جوڑی کن نسخان دہ ءِ۔
