اسلام آباد۔ 09 مارچ (اے پی پی) بنجائی وزیر اقتصادی امور عمر ایوب خان پارینے کہ وزیراعظم عمران خان ننا قومی مفاد و اسلام کن سوگو سلوک ءِ ہرا اپوزیشن ءِ برداشت مفننگ ءِ۔ تینا بیان اٹی اوپارے کہ پی ٹی آئی نا اسہ ورکر اسے نا وڑاٹ اوداہیت انا مشاہدہ ءِ کرینے کہ پیپلزپارٹی و مسلم لیگ ن نا حکومت آک ملک ءِ ہرا اقتصادی بھسکاری نا دنگ آ سرکریسر وزیراعظم عمران خان ملک ءِ ہموبھسکاری آن بچفینے۔ اوپارے کہ وزیراعظم عمران خان ملک ءِ پائیدار اقتصادی نمونا کنڈآ درینے۔ او ننا قومی مفاد و اسلام کن سوگو سلوک ءِ و ہندا ہیت اپوزیشن ءِ برداشت مفننگ ءِ۔ بنجائی وزیر پارے کہ ملک انا شونداری و شونہالی نا دا سفر برجاسلک و اپوزیشن ءِ تینا عزم اٹی بے سہبی تون مون تروئی تمک۔ بنجائی وزیر پارے کہ حکومت الس ءِ ریلیف تننگ کن گام گیج کننگ ءِ ، حکومت پیٹرول و بجلی آ سبسڈی تسنے وخت اس کہ راج انا زرگزرانی وڑاٹ نزور تپہ غاتا زند انا آب اٹ گچینی کن احساس، پوسکن آ پاکستان تون اوار کیہی ڈٹ آتیا عملدرآمد برجاءِ، ہرانا مثبت اثر مون آ بننگ ءِ۔ اوپارے کہ اقتصادی ٹک آک جوان ءُ و دادے جہانی کہول آ ہم امنا کننگ انگ ءِ۔
