سبی۔8مارچ (اے پی پی):صدر مملکت ڈاکٹر عارف علوی ءَ ملک ءِ دیمروئی ءُ وشھالی ءِ واستہ نوکیں زمانگ ءِ لوٹ آنی رد ءَ وانگ ءُ زانگ ءِ دیمروئی ءِ وسیلگ ءَ صوبہ بلوچستان ءِ ورنا آنی ازم ءَ را کارمرز کنگ ءِضلورٹ ء، سر ءَ زور پر دیان ءَ گوشت کہ بلوچستان ءِ ازمکاریں ورنا آناں موہ پجاری کنگ ءِ واستہ جتا جتائیں کشک پچ کنگ بوھگ ءَ انت۔ اے ھیالانی درشانی آئی ءَ سئے شمبےءِ روچ ءَ سبی میلہ ءِ جوانیں مراگش ءِ گڈی گشتانک ءِ تہ ءَ کنان ءَ کت۔ آئی ءَ گوشت کہ ترندی ءَ گوں مٹ بوھوکیں دگنیا ءَ دور ءُ گستائی نزیک بوتگ انت ھمے واستہ صوبہ بلوچستان ءِ ھمک ھاندان ءِ ورنا ءَ را ازمکار بوھگ المی انت۔ دگنیا پاکستان ءِ ورنا آنی ازمکاری ءَ چہ سیت چست کنگ ءِ واستہ جھلانکی ءَ گوں چارگ ءَ انت۔ آئی ءَ گوشت کہ بلوچستان ءِ ورنا آناں کوئٹہ ءُ خضدار ءَ ازمکاری ءَ گہتریں آسراتی آں چہ سیت چست کنگ لوٹ ایت۔ آئی ءَ گوشت کہ وھد ءِ لوٹ آنی رد ءَ چمشانک دیوکیں راج مدا م کامیات بنت۔ مئے ملک گوں ترندی ءَ دیمروئی کنگ ءِ ضلورت انت۔ آئی ءَ گوشت کہ معاشی برجائی ءِ ارزشت ءَ را سہرا کنان ءَ آئی ءَ گوشت کہ پاکستان دیمروئی کنوکیں ملک ءِ جوڑ بوھگ ءَ انت ءُ صوبہ بلوچستان معدنیات، ماہی کشی، ءُ تیاب دپی دمگ دولت ءَ چہ مالا مال انت۔ آئی ءَ گوشت کہ دیمروئی ءُ وشھالی ءِ وساتہ نوکیں زمانگ ءِ ٹیکنالوجی آں چہ گیشاں چہ گیش سیت چست کنگ ءِ ضلورت ءِ سر ءَ زور پر دات ءُ گو3شت کہ استیں حکومت ملک ءِ توامیں ھند آنی تہ ءَ آسراتی پجاری ءِ واستہ ھمک رنگیں گامگیج کنگ ءَ انت۔ مراگش ءَ گورنر بلوچستان سید ظہور احمد آغا، صوبائی وزیر ءُ مزنیں کساس ءَ الس آں بھر زوری کت۔
