اسلام آباد۔8مارچ (اے پی پی): مزن وزیر عمران خان ءَ گوشت کہ اوورسیز انویسٹرز چیمبر آف کامرس اینڈ انڈسٹری ( او آئی سی سی آئی) ءَ مئے حکومت ءِ چیر دستی ءَ ملک ءَ دیمروئی ءُ دل یکیمی ءِ درشان کتگ۔ سئے شمبے ءَ وتی ٹویٹس ءَ مزن وزیر ءَ گوشت کہ او آئی سی سی آئی ئ۔ مئے حکومت ءِ چیر دستی ءَ ملک ءَ دیمروئی ءُ گام آنی ھوالگ ءَ دل یکیمی ءِ درشان کتگ۔ او آئی سی سی آئی ءَ را دل یکیمی انت کہ سال 2021 ءَ پاکستان 10 دمگی ملک آنی تہ ءَ شش ملک آں چہ گہتر ب یت۔ 2019 ءَ پاکستان 10 دمگی ملک آں چہ سئے ملک آں چہ گہتر بوتگ۔ مزن وزیر ءَ گوشت کہ او آئی سی سی آئی ءِ رد ءَ 68 درسد سرمایہ کار آں آیوکیں دو سئے سال آنی تہ ءَ پاکستان ءَ وتی کاروبار ءِ نمبگ آنی امیت سہرا کتگ۔ 2019 ءَ اے کساس 27 درسد بوتگ۔ مزن وزیر ءَ گوشت کہ ملک ءَ کاروبار ءِ واستہ جاور آنی تہ ءَ گیش شرتری ءِ رد ءَ اورسیز انویسٹرز چیمبر آف کامرس اینڈ انڈسٹری پاکستان ءَ سرمایہ کاری ءُ کاروبار ءِ موہ آنی بابت ءَ میاں اوستمانی روڈ شوز برجم کنگ لوٹ ایت۔
