کوئٹہ۔ 08 مارچ (اے پی پی) وزیراعلیٰ بلوچستان میر عبدالقدوس بزنجو جہانی زالبول دے انا وخت آ تینا کلہو اٹی پارینے کہ صوبائی حکومت زالبول آتے غٹ بشخ آتیٹی اوارمننگ نا بریبر وار خواہی فراوان کننگ کن سنبرینگوک ءِ، پالیسی تیٹی اصلاحات نا کمک ات زالبول آتا شونداری ءِ پک کننگ اُن زالبول آتا شونداری عمل اٹ بشخ ہلنگ ءِ پک کرسا پائیدار شونداری نا ہدف آتا دوئی کننگ ممکن مننگ کیک۔ اوپارے کہ اسہ راج اس ہم زالبول آتا بشخ ہلنگ آن بیدس شون ہلنگ کپک۔ نن اصلاحاتی ایجنڈا نا رداٹ ہر زند انا بشخ اٹی زالبول آتا لائخی تیان پبی فائدہ ہرفنگ کن گام گیج کننگ اُن۔ وزیراعلیٰ میر عبدالقدوس بزنجو پارے کہ صنفی بریبری و شونداری نسواں نا پالیسی نا مخ تف مننگ کنکن گمرنا سوب اسے ، بامعنی اصلاحات کرسا زالبول و مسن تے گچین، پائیدار و جوان چاگڑد اس تننگ نا ءِ اوپارے کہ ننا پالیسی زالبول آتا غٹ بشخ آتیٹی بشخ ہلنگ ءِ پک کننگ ءِ، زالبول آتا صوبہ ٹی اہم کڑد ءِ ہرسا سوگو زرگزران اٹ اوفتا شریداری اہم ءِ۔ زالبول آتا برخلاف مروک آ بیدادی نا واقعہ غاتا توننگ ننا اولیت ءِ، اومیت ءِ غٹ اسٹیک ہولڈر آک صوبہ ٹی صنفی بریبری و شونداری نسواں کن کاریم کیرہ۔
