اسلام آباد۔ 08 مارچ (اے پی پی) چیف الیکشن کمشنر سکندر سلطان راجہ پارینے کہ زالبول آتا زیات آن زیات وونٹ انا درج و شناختی کارڈ نا دوئی کننگ کن کوشست کننگ انگ ءِ۔ داہیت ءِ او سے شنبے نادے آ زالبول آتا جہانی دے انا بابت الیکشن کمیشن آف پاکستان اٹ اڈہلوک خصوصی دود اٹی بطور مہمان خاص تران اٹی پارے۔ دود اٹی سول سوسائٹی، زالبول ڈویلپمنٹ پارٹنرز نا نمائندگان، سیکرٹری الیکشن کمیشن عمر حمید خان، چیئرمین نادرا طارق ملک، راج انا غٹ محروم تپہ، خواجہ سرا، اقلیتی برادری، معذور بندغ و تنظیم تا باسک آتون اوار اوار الیکشن کمیشن نا آفیسر آک خاص وڑاٹ زالبول آفیسر آک و اسٹاف بشخ ہلکر۔ داوخت آ چیف الیکشن کمشنر زالبول آتا وونٹ انا درج و شناختی کارڈ انا دوئی کننگ آ خاص چکار کننگ آ زور شاغا و نادرا ہند آتے ٹی زالبول آتیکن خصوصی کاؤنٹر آتا ہم بناءِ کرے۔ دا مخصوص ڈیسک نادرا نا کمک اٹ چندی ضلع غاتیٹی مرحلہ وار جوڑ کننگ انگ ءِ تانکہ زالبول آتے شناختی کارڈ انا دوئی کننگ اٹ آسانیءِ پک کننگ مرے۔ دود اٹی جرمنی نا سفیر برنارڈ چلاگگ ہم خصوصی وڑاٹ بشخ ہلک۔
