اسلام آباد۔7مارچ (اے پی پی): مزن وزیر عمران خان ءَ گوشت کہ ملک ءَ را بے ایمنی ءَ گوں آماچ کنوک آنی جزم ءَ را اچبر کامیات بوھگ ءَ نئیلاں، ناشرکاری ءُ کسد ءُ کینگی گشتانک لائک ءِ سگ ءُ اوپار نہ انت، سرجمیں راج بے ایمنی شنگ کنوکیں چیز آناں شکست دیگ ءِ واستہ یکجاہ انت۔ ناشرکاری آناں درور جوڑ کنگ ءِ واستہ ترندیں پیسلہ کنگ ءِ ضلورت انت۔ دو شمبے ءَ مزن وزیر عمران خان ءِ سروکی ءَ ایپکس کمیٹی برائے نیشنل ایکشن پلان (نیب) ءِ دیوان بوت۔ ایپکس کمیٹی ءَ پشاور ارش ءَ را مذمت کت ءُ ارش ءَ چہ جان ءِ بازی جنوکیں شہید ءِ واستہ دلپدردی ءِ درشان کت۔ اے موہ ءِ سر ءَ مزن وزیر ءَ گوشت کہ حکومت ناشرکار آنی واستہ زیرو تقالرنس دار ایت ءُ ناشرکار آ ناں عبرت ءِ نشان جوڑ کنگ ءِ واستہ زوتیں گامگیج ءِ ضلورت انت۔ مزن وزیر ءَ اے گپ ءِ سر ءَ زور پر دات۔ مزن وزیر ءَ گوشت کہ راجی ایکشن پلان ءِ رد ءَ یک مشتیں ٹک آنی گوما کار ءِ ضلورت انت۔ آئی ءَ گوشت کہ آیوکیں باندات ءَ اے رنگیں واکیہ آں گوں گر ءُ چیل بوھگ ء واستہ جوانیں گامگیج چست کنگ ءِ ضلورت انت۔ مزن 2وزیر ءَ گوشت کہ ملک ءَ را بے ایمنی ءِ آماچ کنوک آناں اچبر کامت بوھگ ءَ نئیلاں چیا کہ سرجمٰں راج ناشرکاری ءِ ھوپ ءَ را شکست دیگ ءِ واسہ یک مشت انت۔ بلوچستان ءَ تپاکی کار ءُ لڈ ءُ بار کنوک آنی ھوالگ ءَ جیڈھ ھوار انت۔ دیوان ءَ را بریفنگ دیگ بوت کہ پلان ءِ بن گپ آنی سر ءَ پد ءُ رندی بوتگ۔ پدا ھم صوبگ آنی وت مہ وتی یکجائیں جیڈھ آنی واستہ صوبائی حکومت آں گوں کمک درکار انت۔ دیوان ءَ بنجاھی وزیر ، فواد حسین ، شیخ رشید احمد، اسد عمر، راجی سلامتی ءِ مشیر ڈاکٹر معید یوسف، آرمی چیف جنرل قمر جاوید باجوہ، پنجاب ءِ سروزیر عثمان بزدار، وسندھ ءِ سر وزیر مراد علی شاہ ، خیبر پختونخوا ءِ سرو زیر محمود خان، بلوچستان ءِ سر وزیر عبدالقدوس بزنجو، سر وزیر گلگت بلتستان خالد خوارشید، چیف سیکرٹریز، انسپکٹر جنرلز آف پولیس ءُ سینئر سول ءُ ملٹری اپسرگ آں بھر زوری کت۔
