بیجنگ۔ 07 مارچ (اے پی پی) چین اٹی پاکستان نا سفیر معین الحق پارینے کہ پاکستان چاگڑد اٹی گچینی اتنگ ، کاربن نا پیش تمنگ اٹی کمتی نا گام گیج آتا مون آ دننگ و پاکستان نا بلین ٹری سونامی ڈٹ آتا ودکی کن چین اتون کاریم ءِ برجاتخک۔ اوچین نا نیوز ویب سائٹ چائنا اکنامک نیٹ (سی ای این) ءِ پارے کہ چاگڑد و جنگلی حیات نا رکھ اکن کاربن نا پیش تمنگ اٹی کمتی نا گام گیج و جنگلی حیات نا رکھ وزیراعظم عمران خان نا است آن بھاز خڑک ءِ و نن بلین ٹری سونامی پروجیکٹ نا ودکی ٹی کمک کن چینی حکومت تون کاریم کننگ اُن۔ اوپارے کہ وزیراعظم دنیا نا ہمومنہ راہشون آتیان اسٹ ءِ ہرافک موسمیاتی بدلی نا برخلاف جہانی کہول آ گام گیج و کمکاری تا مخ تفی ءِ کرینو و اوفتا گام گیج آتا ستاءِ کننگانے۔ اوپارے کہ پاکستان ہمو منہ ملک آتیان اسٹ ءِ ہرافتا کاربن نا پیش تمنگ اٹی بھاز کم ءُ بشخ اسے ولے چاگڑدی بدیل تا سوب غٹ آن زیات زہمی مننگ ءِ ہنداخاطرآن ننا چین اتون چاگڑدی بدلی اتون مون تننگ کن کمکاری بھاز المی ءِ انتئے کہ چین اسہ بھلو ملک اسے ، اوڑتون 2060 اسکان کاربن و صفر کاربن بے کنڈہلوک نا محدود گام گیج آتا بھاز اہم ءُ ہدف ءُ۔
