صدر عارف علوی ءِ پاکستان پوسٹ آفس ڈیپارٹمنٹ  ءَ را ھاسیں میڈیکل بورڈ ءِ سپارش ڈلگچار کنگ، بزگریں مزور آناں میڈیکل بنیات ءَ ریٹائر  نہ کنگ ءِ پد ءَ انکوائری ءِ پنت ءُ شون، ادار 45 روچ ءَ رپوٹ جم  بکنائین انت ، صدر مملکت  ءِ پیسلہ 

اسلام آباد۔6مارچ  (اے پی پی):صدر مملکت ڈاکٹر عارف علوی  ءَ  پاکستان پوسٹ آفس  ڈیپارٹمنٹ  ءَ را پنت ءُ شون کتگ کہ طبی بنیات ءَ یک  بزگیں مزدورے ءِ  ریٹائرمنٹ ءِ  ھاسیں  میڈیکل بورڈ ءِ سپارش ءَ را  ڈلگچار کنگ ءِ اپسوزی رویہ ءِ پٹ ءُ پول کنگ ءِ  دو ماہ ءَ نیم ءَ سرجم کنان ءَ بنجاھی محتسب ءَ را  سرپد کنگ بہ بیت۔  یک شمبے ءِ روچ ءَ جاڑی بوتگیں بیان ءِ رد ءَ صدر  مملکت ءَ اے گپ ءِ سر ءَ  دلرنجی ءِ درشان کتگ کہ محکمہ یک بزگریں مزورے  ءِ  طبی جاور آنی سر ءَ چار ءُ تپاسی  کنگ ءَ  ناکام  بوتگ ءُ ایشرا طبی بنیات ءَ  کمک پجاری کنگ ءِ مٹ ءَ    وھد ءَ چہ پیسر  ریٹائرمنٹ ءِ گچین کنگ ءِ گوشتگ۔ صدر  مملکت ءَ پاکستان پوسٹ ءِ اے پسور ءَ را رد کتگ  ، ایشی ءِ  تہ ءَ بنجاھی محتسب ءِ  پیسلہ ءِ ھلاپ ءَ جوانیں  بن گپ وتی کنگ ءِ  گوشگ بوتگ کہ آ میڈیکل بورڈ   ءِ سپارش آنی رد ءَ وتی مزور آنی شکاست  آنی  گیوری  کنگ بہ بیت۔