اسلام آباد۔6مارچ (اے پی پی): مزن وزیر عمران خان احساس پروگرام ءِ سئے سال سرجم بوھگ ءِ پد ءَ باندات دو شمبے ءَ مراگش ءِ سروکی ءَ کنت۔ مزن وزیر ءِ ھاسیں کمکار برائے گریبی ءُ چاگردی رکھینوک ڈاکٹر ثانیہ ءَ گوشت کہ 27 مارچ 2019 ءَ اے پروگرام ءِ بنگیج ءَ چہ پد ءَ چہ احساس ءِ چیر دستی ءَ چاگری رکھینوک ءُ گریبی ءِ ھلاسی ءِ بے کساس پروگرام کامیات ءِ گوما بندات کنگ بوتگ ایشانی 98 درسد بجٹ جنک ءُ زالبول آناں سیت پجاری ءِ واستہ ایر کنگ بوتگ۔ مزن وزیر عمران خان ءَ احساس راشن کنسیشن پروگرام ءِ ھم بنگیج ءَ کناں ایشی ءِ چیر دستی ءَ 20 ملین ھاندان آناں ھمک ماہ ءِ بنیات ء ھروچگیں وردن ءُ وراکی سامان آنی سر ءَ 30 درسد سبسڈی دیگ بیت۔ ٹارگٹڈ سبسڈی پروگرام ءَ 3 ضلورگیں سامان ، گندم ءِ آرت، وردنی ٹیل/روگن ءُ ڈال ھوار انت ایشانی قیمت آناں جوانیں رپک ءَ کم کنگ بہ بیت۔ اے 20 ملین ھاندان آناں (130 ملین مردم) آناں سبسڈی ءِ رد ءَ 106 ارب کلدار بھر ءُ بانگ کنت۔ میاں اوستمانی تک ءَ استیں قیمت آنی تہ ءَ گیشی ءِ رد ءَ مزن وزیر ءَ 80 لکھ ھاندان آنی واستہ “کفالت وظیفہ” ءِ زر 12000 کلدار گیش کنان ءَ 14000 کلدار کنگ ءِ ھم جار جتگ۔ اے پیسلہ الس آناں ریلیف دیگ ءِ واستہ کنگ بوتگ۔ دو شمبے ءَ کفالت ءَ نگدی کمک ءِ 71 ارب کلدار ھم بھر ءُ بانگ کنگ بیت۔ سئے سال ءِ ساھت ءَ پروگرام ءَ ملک ءِ کساس نیم آباتی آناں احساس نگدی پجاری کتگ۔ احساس سکول وظیفہ پروگام 4 ءَ بگر تاں 22 سال ءِ امبر ءِ 10 ملین زھگ آناں سیت پجاری بیت۔ میاں اوستمانی بینک ءِ احساس ایمرجنسی کیش ءَ را کوویڈ-19 ءِ ساھت ءَ سرجمیں دگنیا ءَ درستاں چہ گیش نگدی زر ٹرانسفر کنگ ءِ پروگام ءِ رد ءَ منگ بوتگ۔ سرمائیکل باربر ءِ رد ءَ ، ٹیکنالوجی ءُ ڈیٹا ءِ رد ءَ احساس ءِ نگدی ءَ ملک ءَ گورننس ءِ سروکی ءِ سیاست ءَ چہ کار کردی سیاست ءَ مٹ کتگ۔
