اسلام آباد۔5مارچ (اے پی پی): بنجاھی وزیر اقتصادی کار عمر ایوب خان ءَ گوشت کہ استیں حکومت ءَ انفارمیشن ٹیکنالوجی ءِ شوبگ ءِ دیمروئی ءِ واستہ آشوبی گامگیج چست کتگ ءُ ملکی تاریخ ءَ اولی رند ءَ ھاسیں ٹیکنالوجی زورن اتھارٹی جوڑ کنگ بوتگ۔ آئی ءَ اے گپ شمبے ءِ روچ ءَ ہری پور یونیورسٹی ءَ برجم داشتگیں اولی کانووکیشن ءِ موہ ءَ وتی گشتانک ءَ گوشت۔ اے موہ ءِ سر ءَ یونیورسٹی ءُ ایشی ءَ گوں نزیکیں سرکاری ءُ گیر سرکاری کالجز ءِ پی ایچ ڈی، ایم فل، ماسٹر ءُ بیچلر گریجویٹس آناں ڈگری، توسیپی سند ءُ پوزیشن در جنو کیں نودربر آناں گولڈ میڈلز ھم دیگ بوت۔ بنجاھی وزیر ءَ توامیں گریجویٹ ءُ نودبر، آوانی مات ءُ پت ءُ استاد آناں ھم مبارک بات دات۔ آئی ءَ گوشت کہ آ ہری پور یونیورسٹی ءَ وتارا مہمان ناں بلکینگ ءَ میزبان پھم ایت۔ چیا کہ اے شہر ءُ دمگ آئی گچین کاری دمگ انت ءُ آ وتارا اے یونیورسٹی نوکر سما کنت۔ آئی ءَ یونیورسٹی انتظامیہ ءَ را وتی ءُ بنجاھی حکومت ءِ نیمگ ءَ چہ ھمک رنگیں کمک ءِ دل یکیمی کنائینت۔
